[LAMS]

bane hen kam sub uljhun se mere
yahi atwar hen bachpan se mere

hawa bhi puchne ati nahi hai
woh khushbu kia gai angan se mere

zameen hamwar ho kar rah gai hai
ori hai dhool woh daman se mere

suno is dasht ka hamzad hun men
yeh wakif hai akele pan se mere

hawa e be dili bhi khoob nikli
khalish tak le ori jeevan se mere

 

---

[LAMS]

dua kay saey men susta lia kar
bhale phir asman ko ja lia kar

zamin kay sath rakha kar rawabit
zamane se alag rasta lia kar

sahar kay sham ho jane se pehle
durun ko ishq se mehka lia kar

yeh dunya bargah e ashiqi hai
yaha se jo mile apna lia kar

 

---

[LAMS]

men to saya hun ghataon se utarne wala
hai koi pyas kay sahra se guzarne wala

too samjhta hai mujhe hurf e mukarar lekin
men sahifa hun tere dil pe utarne wala

too mujhe apni awaaz ka paband na kar
men to naghma hun fazaon men bikharne wala

aey badalte huwe mausam kay gorezan pekar
aks de ja koi ankhon men thaherne wala

ja raha hai tere honton ki tamana le kar
zindage bhar teri awaaz pe marne wala

men hun dewaar pe likha huwa kub se lekin
koi parhta nahi raste se guzarne wala

 

---

[LAMS]

kash hoti wafa zamane men
par haqiqat kahan fasane men

kia kahen aek adhure qisse ko
lag gai omar q bhulane men

log auqat bhul jate hen
dusron ka mazaq urane men

sochta hun kabhi kabhi youn hi
harj kia tha ose manane men

roz hi sans phool jati hai
zindegani kay naz uthane men

hum pare hen dayar e gheir men youn
jese lashen hon sard khane men

haif bheja gaya hun men sahir
ittifaqan ghalat zamane men

 

---

[LAMS]

aek zahmat zara uthane se
bun gaya rasta banane se

qabil e deed tha shikari jub
orh gai fakhta nishane se

os kay bus men na tha madawa par
g to halka huwa batane se

aur phir youn huwa kay ek din hum
oth gaey os kay aastane se

khoob ashufta sar hun men bhi sahir
go nahi qais kay gharane se

 

---

[LAMS]

seena dahak raha ho to kia chup rahe koi
q cheekh cheekh kar na gala cheel le koi

sabit huwa sukun e dil o jan kahin nahin
rishton men dhundta hai to dhunda kare koi

tark e taluqaat koi masla nahi
yeh to woh rasta hai kay bus chal pare koi

deewar janta tha jise men woh dhool thi
ab mujh ko atamad ki dawat na de koi

men khud yeh chahta hun kay halat hon kharab
mere khilaf zahar ogalta phire koi

aey shaks ab to mujh ko sub hi kuch qubul hai
yeh bhi qubul hai kay tujhe cheen le koi

han theek hai men apni ana ka mareez hun
akhir mere mizaj men q dakhal de koi

ek shaks kar raha hai abhi tak wafa ka zikar
kash is zaban daraz ka moo noch le koi

 

---

[LAMS]

dil e kafir ko musalman kiey jate hen
woh bhala q mera nuqsan kiey jate hen

khud hi bazar se hum ja kay kahreed aey havas
apne jeene ka youn saman kiey jate hen

apni jholi nahi phelate khudaon kay huzur
waqt jesa bhi ho guzran kiey jate hen

aj yeh shahar men kesa hai tamasha barpa
log q chak gireban kiey jate hen

aj kay dor kay bus hum hi wali there shahab
sub ko hum sahib e iman kiey jate hen

 

---

[~Pr!nCe$s UrOoJ~]

Originally Posted by LAMS

bus is hi bat ka to rona hai
hen kahan hum ? kahan pe hona hai

hum ne woh bat hi bhula dali
dil men jis bat ko samona hai

waqt ka johari bata dega
khuwab ghaflat men kitna sona hai

nisf aflas ne dubo dala
nisf selab ne dubona hai

apni bari ka intizar karen
mulk har aek ka khilona hai

pehle nafrat kay jangalon ko kaat
gar mohabat ka beech bona hai

hum ne sahir orh li hijrat
ab yahi orhna bichona hai

bohot zabardast

 

---

I Dont Need A Lot Of People Who Are Ready To Cry When !D!e ..
!Need Just One Person Who Is Ready To D!e When i Cry..!!!

[Zafina]

Great Choice lala ...Buhat Pasand aye sub k sub

 

---

And Your Lord Never Forget

[~Pr!nCe$s UrOoJ~]

Originally Posted by LAMS

dil e kafir ko musalman kiey jate hen
woh bhala q mera nuqsan kiey jate hen

khud hi bazar se hum ja kay kahreed aey havas
apne jeene ka youn saman kiey jate hen

apni jholi nahi phelate khudaon kay huzur
waqt jesa bhi ho guzran kiey jate hen

aj yeh shahar men kesa hai tamasha barpa
log q chak gireban kiey jate hen

aj kay dor kay bus hum hi wali there shahab
sub ko hum sahib e iman kiey jate hen

vvvv good

 

---

I Dont Need A Lot Of People Who Are Ready To Cry When !D!e ..
!Need Just One Person Who Is Ready To D!e When i Cry..!!!