[life]

Muhabat
BISMILLAH 786""
"man ki dunia mein pheila huya jazbon ka gulshan jub bahaar (yahan bahaar se meri murad insan ki neikdilli or sachi muhabat ke phoolon ki bahar se hai)
ki zad mein hota hai to tan ki khubsurtiyan arooj pr hoti hain ,halan ke dil be shumar aalayishon ka majmooya bhi hai, lekin jub "muhabbat " apni tamam tar pakeezagi ke sath man ka dar vaa kr leiti hai to yun lagta hai jaise jheel mein kanwal khilta hai ,or kanwal gande pani mein hi khilta hai lekin phir bhi kis qadar pakeeza hota hai ,kia gandagi ki inteha or kia pakeezagi ki intiha ,lekin yeh uss PAK PARWAR DIGAR""ki raza hai uski ramz vohi jane ,
ishq majaz ho ya haqeeqi "pakeezagi " ka mazhar or aayiena daar hota hai tabhi to ishq e majaz ki intiha ko ishq e haqeeqi ki ibtida kaha jata hai ,



MuHABAT ke aayiene mein mehboob ka aks itna khubsurat dikhta hai jahan havas ka guzar nahi ho sakta , tab dil woh masjid ka roop hota hai jahan sheitan ka guzar nahi ho pata ,"jahan aansooyon ke pani se wuzoo ho jaye wahan ishq ki namaz qaza nahi ki ja sakti sajde mein sar jhuka kr ibadat ki jati hai"" or band aankhon mein tasavur e mehboob jugmaga uthhta hai or yahi woh muqaam hai
jisse muqama e dil kaha ja sakta hai or inhi lamhat mein jub tan or man ki khubsurtiyan arooj pr houn "RAB E DO JAHAN " bhi apni iss insan naami takhleeq pr naazan hota hai or insan ke wajood ko or noorani roshniyon se
bhar deita hai,tab MAN O tu ka farq khatam ho jata hai or dil ki vusatein kainaat ki vusaton ko apne andar jazab kr leiti hain ........