[Úƒƒƒ]

Gile fizool thhey ahad-e-wafa ke hote hue
so chup raha sitam-e-naarava ke hote hue

ye qurbato’n mein ajab faasle pade ki mujhe
hai aashnaa ki talab aashnaa ke hote hue

wo hilaagar hain jo majbooriyaa’n shumaar karein
chiraag humne jalaaye hawa ke hote hue

kise khabar hai ki kaasaa-ba-dast phirte hain
bahot se log saro’n par huma ke hote hue

‘Faraz’ aise bhi lamhein kabhi-kabhi aaye
ki dil girifta rahaa dilruba ke hote hue

[IMG]img195.imageshack.us/img195/1862/00ei050qv6c.jpg[/IMG]

Ab tum aagosh-e-tasavvur mein bhi aaya na karo
mujhse bikhre hue gesu nahi’n dekhe jaate
surkh aankho’n ki qasam kaanpti palako’n ki qasam
thar-tharaate hue aansu nahi’n dekhe jaate
ab tum aagosh-e-tasavvur mein bhi aaya na karo
chhoot jaane do jo daaman-e-wafa chhoot gaya
kyun ye lagzeeda kharaami ye pashemaa’n nazri
tumne toda nahi’n rishta-e-dil toot gaya
ab tum aagosh-e-tasavvur mein bhi aaya