[Rania]

ایک صاحب پرانی کار کے فوائد اور نئی کار کے نقصانات پر روشنی ڈالتے ہوئے بولے

کار جب بھی خریدیں پرانی ہی خریدی ۔
اولڈ از گولڈ پرانی کار کی تو بات ہی کچھ اور ہے ۔
کیا اچھی شے ہوتی ہے ، نہ کسی کا جی للچائے ۔
نہ کوئی نظرِ بد ڈالے ۔ نہ کوئی ہاتھ لگائے ۔
ایک شیشہ نہیں چڑھتا نہ چڑھے کوئی بات نہیں ۔
کوئی پتھر سے لکیر کھینچتا ہوا چلا گیا تو کیا ہوا ۔
کسی نے کیل سے اپنا اسمِ گرامی جلی حروف میں لکھ ڈالا اچھا کیا برا نہ کیا ۔
باہر کھڑی ہے کھڑی رہے ۔ کون لے جائے گا کسی کی مت تو نہیں ماری گئی ۔
جہاں جی چاہے لے جاؤ جتنی دیر چاہے کھڑی کرو ۔
اطمینان سے اپنا کام کرو ۔ جب بھی لوٹ کر آؤ وہیں ملتی ہے ۔
جہاں کھڑا کرتے ہیں ۔
چور اچکے بھلا کیوں لفٹ دینے لگے ایسی کار کو ۔

باڈی اتنی مضبوط ہے کہ برسوں سروس نہ کرائیں ۔
نہ گلے سڑے ۔ جتنا چاہیں لوڈ اٹھوائیں ۔
سیمنٹ کی بوریاں ، اینٹیں ، کاٹھ کباڑ ۔
جو چاہیں ڈگی میں بھر کر لائیں جتنی چاہے سواریاں بٹھائیں ۔

کیا مجال جو سسپنشن چوں بھی کر جائے ۔
کھمبے سے ٹکرا جائے کھمبا گر جائے گا ، ک
ار کا بال بھی بیکا نہ ہوگا ۔
اک ذرا سا ڈینٹ پڑ گیا تو پڑ گیا ۔

چھوٹی کار والے تو خود ہی احتراماً ایک طرف ہو جاتے ہیں جیسے کسی سربراہ کی کار ہو ۔
واللہ بات ہی کچھ اور ہے پرانی کار کی ۔
پریشان بھی زیادہ نہیں کرتی ۔ پٹرول بھی کم کھاتی ہے ۔
اکثر دھکے جو لگواتی ہے ۔ دھکے لگوانا کوئی عیب نہیں اس میں کچھ فوائد مضمر ہیں ۔

گھر کے بیشتر افراد کی صحت ٹھیک رہتی ہے ۔
اسی بہانے کچھ ورزش ہو جاتی ہے ۔
ورنہ اس مشینی دور مین وقت کہاں ملتا ہے ان کاموں کے لیے ۔

دل کے مریضوں کی تشخیص میں مدد دیتی ہے ۔
انجائنا کا مریض ذرا دھکا لگا کر تو دیکھے فوراً پکڑا جائے گا ۔
کتنا خوش نصیب ہوتا ہے پرانی کار والا ۔
کیسی پر سکون زندگی گذارتا ہے ۔
کیسے مزے سے سوتا ہے دنیا و ما فیہا سے بے خبر ہو کر ۔
نہ گیراج کی ضرورت محسوس کرتا ہے نہ چوکیدار کی ۔
گلی میں کھڑی کرتا ہے اور بے فکر ہو جاتا ہے ۔

 

---

[sitara23]

sub kuch to car may sahi hai lakin paher bhi padial chalay to bathar hai