[anabia]

کبھی جو غم نے گھڑی بھر کو تھک کے سانس لیا
میں خوش ہوا کہ شب ہجرِ یار ڈھلنے لگی
شہیدِ مقتلِ کرب و بلا کا ضبط نہ پوُچھ
کہ ضربِ خنجرِ قاتل بھی ہاتھ مَلنے لگی!
کشش سفر کی تہہِ آب بھی جُدا نہ ہوئی
ندی کی ریت میرے ساتھ ساتھ چلنے لگی
بتا رہی ہے تھکن موج موج کی محسنؔ
صدف کی تہہ میں کوئی بوند پھر سے پلنے لگی

 

---

نیلگوں فضاؤں میں
شور ہے بپا دل میں
شدتوں کے موسم کی
چاہتیں سوا دل میں
حبس ہے بھرا دل میں
میں اداس گلیوں کی
اک اداس باسی ہوں
بادلوں کے پردے سے
واہموں کو ڈھکتی ہوں
خوشبوئیں گلابوں کے جسم سے نکلتی ہیں
روشنی کی امیدیں کونپلوں پہ چلتی ہیں
پھر بہار آنے سے پہلے ٹوٹ جاتی ہیں
چوڑیاں بھی ہاتھوں میں ٹوٹ پھوٹ جاتی ہیں
جسم کے شگوفوں میں رنگ چھوڑ جاتی ہیں
بس سنہرے لہجےکی
روشنی ہے لو جیسی
ہونٹ سے پرے دل میں
کام کی دعا ایسی
کس کو یہ خبر لیکن
اِس سنہرے لہجے میں
کھارے کھارے پانی سا
بدگمانیوں سے پُر