[LAMS]

bus is hi bat ka to rona hai
hen kahan hum ? kahan pe hona hai

hum ne woh bat hi bhula dali
dil men jis bat ko samona hai

waqt ka johari bata dega
khuwab ghaflat men kitna sona hai

nisf aflas ne dubo dala
nisf selab ne dubona hai

apni bari ka intizar karen
mulk har aek ka khilona hai

pehle nafrat kay jangalon ko kaat
gar mohabat ka beech bona hai

hum ne sahir orh li hijrat
ab yahi orhna bichona hai

 

---

[Zafina]

Excellent ...........

 

---

And Your Lord Never Forget

[LAMS]

hashar men dil bapa na ho jaey
phir tera samna na ho jaey

is taraf se nazar na phear apni
saz e dil be sada na ho jaey

os ko milti nahi baqa har giz
ishq men jo fana na ho jaey

is qadar tut kar na chaho ose
woh kahin bewafa na ho jaey

wasal ki shab huwa hun jese men
koi be aasra na ho jaey

bat itni khari q karta hai
khalk tujh se khafa na ho jaey

 

---

[LAMS]

fareb e qurbat e jana ki hi yeh dil nasheeni thi
tere manzar ki khushbu rat kitni bheeni bheeni thi

yeh kis barsat ne tinke bikhere aashiane kay
teri palkon tale warna bari sadah makeeni thi

mere aslub e sadah ki yeh tarz e kahmoshi theri
kay jo too ne kaha such tha mera such be yaqeeni thi

kisi siski ne tora tha jumud e atabar e dil
magar os pe sada e ghuncha e dil bhi yaqeeni thi

bhala lazim hai teri kuj ravi ka bhi bharam rakh lun
yeh wade se behalna to meri khanda jabeeni thi

zubun haali mere atraaf men kuch is tarah pheli
durun e zindage men har taraf har she masheeni thi

waseem is agahi ne to sukun e dil hi cheena hai
meri to bekhodi kay dasht men gosha nasheeni thi

 

---

[LAMS]

youn tera rang e sukhun yad aya
dasht men jese chaman yad aya

moj phir sahil se na murad gai
phir hamen apna milan yad aya

jub kiya zeb e tun safed libas
jane q hum ko kafan yad aya

hath men hath koi dekha jub
apna be bak sajan yad aya

rat jub thori hawa sard huwi
phir wahi shola badan yad aya

ghar men deewar othai q thi
bad men sub ko sahan yad aya

aj phir chodween ki rat hai na
kuch tumhen jan e man yad aya

 

---

[LAMS]

men janta hun wahi hen pukarne wale
bula kay ghar men charaghon ko marne wale

raza e yar pe khaahish ko marne wale
ajab sakhi hen mohabat men harne wale

ab apne ap ko bhi aene men dekh zara
mere wujud men herat utarne wale

bus aek isim ka saya bus aek jisim ki dhoop
mere safar ki thakawat utarne wale

dhamal rukne na paey ali qalandar ki
bohut se naksh abhi hen ubharne wale

 

---

[LAMS]

ek duje ko aena dikhaeyn chalo ao
yeh akhri takleef othaeyn chalo ao

youn hai kay monafe ka to imkan hi nahi
nuqsan ka andaza lagaeyn chalo ao

hen jal to yaron kay bichaey bhi par ab kay
dushman ki chali chal men aeyn chalo ao

muddat se khandar dil ka bhi veeran para hai
kuch deir yaheen khak oraeyn chalo ao

os tak hai safar lakh sarabon se mozaeyan
sahir na kaheen khud se bhi jaeyn chalo ao

 

---

[LAMS]

kuch itni duur tumhara thikana parta hai
hamen hawa ki tarah roz ana parta hai

saron pe chaon kabhi bheek men nahi milti
badan ko peir ki surat ogana parta hai

yeh raste youn hi paon se te nahi hote
yahan zameen ko sar par othana parta hai

too a kay shab kay andheron ko dekh le khod hi
men kia bataun dia q jalana parta hai

ab aek jisim ko kitna rafu karun ga men
yahan to zakham naya roz khana parta hai

yeh mera ishq meri jan ki zarurat hai
so dushmano ko bhi dil se lagana parta hai

hazar khuwahishen dil men hen is lia gohar
zaruraton se zada kamana parta hai

 

---

[LAMS]

kub kahan kia mere dildar otha laeyn ge
wasal men bhi dil e bezar otha laeyn ge

chahiey kia tumhen tohfe men bata do warna
hum to bazar kay bazar otha laeyn ge

youn mohabat se na hum khana badoshon ko bula
itne sadah hen kay ghar bar otha laeyn ge

aek misre se zada to nahi bar e wujud
tum pukaro ge to har bar otha laeyn ge

gar kisi jashan e musarat men chale bhi jaeyn
chun kay ansu tere gham khuwar otha laeyn ge

kon sa phool saje ga tere jure men bhala
is shash o punj men gulzar otha laeyn ge

 

---

[LAMS]

mujh se munsub hai ghubar mera
qafle men na kar shumar mera

har nae sham meri ujrat hai
din bitana hai rozgar mera

yeh teri jagti huwi ankhen
in pe har khaab ho nisar mera

koi ata nahi idher phir bhi
dehan ata hai bar bar tera

rat kay sath sath barhta gaya
in charaghon pe atabar mera

waqt itna kahan tha mere pas
warna karta men intizar tera

neend par meri dastaras kashif
na hi khaabon pe ikhtiar mera

 

---