[karwanpak]

اسلام آباد ( کاروان ڈیسک) وزیراعظم نواز شریف اور سابق صدر آصف علی زرداری کے درمیان کل وزیراعظم ہاﺅس میں اہم ملاقات ہو گی۔

میڈیا رپورٹس کے مطابق وزیراعظم نوازشریف اور سابق صدر آصف زرداری کے درمیان ملاقات کل دوپہر وزیر اعظم ہاﺅس میں ہوگی جس میں تحفظ پاکستان آرڈیننس ، طالبان سے مذاکرات ، پرویز مشرف کیخلاف غداری کیس، سیاسی امور سمیت ملک کی مجموعی صورتحال، سندھ حکومت کے مسائل اور کراچی میں امن و امان کی صورتحال سمیت اہم امور پر تبادلہ خیال کیا جائےگا اور ان پر اہم فیصلے بھی متوقع ہیں۔

واضح رہے کہ نواز شریف کی وزارت عظمیٰ کا منصب سنبھالنے کے بعد سابق صدر آصف زرداری کے ساتھ ان کی پہلی باضابطہ ملاقات ہوگی اور ملک کی موجودہ صورتحال میں یہ ملاقات نہایت اہمیت کی حامل تصور کی جارہی ہے کیونکہ حکومت کو اس وقت طالبان سے مذاکرات اورسابق صدر جنرل(ر)پرویزمشرف کے خلاف غداری کیس سمیت تحفظ پاکستان بل پر سینیٹ میں اکثریت نہ ہونے پر مشکلات کا سامنا ہے جبکہ سینیٹ میں اس وقت پیپلزپارٹی سیمت دیگر اپوزیشن جماعتوں کو اکثریت حاصل ہے۔

 

---

Pakistan news karwan.no

[(‘“*JiĢäR*”’)]

Very NIce

 

---

დ∫დ→◄●♥●►↔ǺήĐằŽ~◊Ệ◊~ßάΫǻЙ↔◄●♥●►←დ∫დ