Zard patton ki tarah khuwaab bikhar jate hain
dard lamhay tu meri jaan main utar jate hain
main wafaon ki hatheli pe likhi tehreerain
parhna chahon tu sabhi harf mukar jate hain
dil ko hairat hai ke chup chaap guzarte lamhay
kis tarah aankh ki putli main thehar jate hain
umar sehra main katay ya gham-e-tanhai main
akhrish waqt tu saaray hi guzar jate hain
ab tu ye hai ke teri yaad main bheegay manzar
chaltay chaltay mere hathon se bikhar jate hain