[~*Gillanii]

Aik Misaaal !!

Ay Dost Tujhay Inkaar Na Mujhay ..
Apni Cheez To Sabhi Ko Pyari Hoti Hay ..
Jo Cheez Khud Banai Hoti Hay ..
Bayshaq Wo Jaan Say Pyari Hoti Hay ..
Magar Ye Bhi Haqeeqat Hay Pyaray ..
Sila Na Milay Us Cheez Say To ..
Wo Tujh Pay Hazaar Bhaari Hoti Hay ..

Chalo Ye Farz Kartay Hain ..
Tu Nay Ik Shahkaar Banaya ..

Ik Khoobsoorat Jaga, Usay Sajaya
Magar Wo Na Bhaya, Usay Uthaya ..
Utha Kay Ik Doosri Jaga Sajaya ..
Phir Na Bhaya, Aur Phir Uthaya ..

Socha Ik Azmaish Aur Sahi ..
Dil Pay Kuch Jabr Aur Sahi ..
Ik Akhri Koshish Hi Kar Lain ..
Nahi To Phir Koi Aur Sahi ..
Bawajood Lakh Koshish Kay ..
Wo Shahkaar Kahi'n Na Bhaya ..
Baykar Sochtay Howay Tu Nay ..
Akhir Usay Kachray Main Giraya ..



Aik Haqeeqat !!

Ay Dost Gar Samjhay, Baat To Samjhnay Ki Hay ..
Samajh! Kya Waja Raheem Kay Garajnay Ki Hay ..
Haan Apni Cheez To Sabhi Ko Pyari Hoti Hay ..
Jo Cheez Khud Banai Hoti Hay ..
Bayshaq Wo Jaan Say Pyari Hoti Hay ..

Us Nay Baray Pyar Say Tujhay Mitti Say Banaya ..
Ashraf-ul-Makhlooqat Keh Kay Dunya Main Sajaya ..
Takhleeq-e-Keynaat Kay Is Alaa Namoonay Ko ..
Sab Naimato'n Say Nawaz Kay Phir Azamaya ..

Jo Tu Na Utra Us Ki Tawquat Par Poora ..
Us Nay Bhi Chor Diya Phir Tujhay Adhoora ..
Kuch Na Mila Phir Tujhay Andher Sawair Main ..
Aur Paya Khud Ko Tu Nay Kachray Kay Dhair Main ..

Anso Baha, Girgira Aur Toba Kar Us Kay Agay ..
Rishta Toot Jata Hay, Gar Hon Kachay Dhagay ..

Wo Kion Kar Na Tujhay Muaf Karay Ga ..
Akhir Apni Cheez To Sabhi Ko Pyari Hoti Hay ..
Jo Cheez Khud Banai Hoti Hay ..
Bayshaq Wo Jaan Say Pyari Hoti Hay ..

 

---

Last edited by ~*Gillanii; 01-15-2010 at 06:32 PM..