MeraForum Community.No 1 Pakistani Forum Community - View Single Post - aa, ki meree jaan ko qaraar naheeN hai.....
View Single Post
(#1)
Old
DrEaMBoY DrEaMBoY is offline
 


Posts: 680
My Photos: ()
Country:
Star Sign:
Join Date: Mar 2012
Location: LaHoRE
Gender: Male
shairy aa, ki meree jaan ko qaraar naheeN hai..... - >>   Show Printable Version  Show Printable Version   Email this Page  Email this Page   03-23-2012, 08:16 PM

aa, ki meree jaan ko qaraar naheeN hai
taaqat-e-bedaad-e-intazaar naheeN hai

[ qaraar = rest/repose, bedaad = injustice ]

dete haiN jannat hayaat-e-dahar ke badle
nashsha ba_andaaza-e-KHummaar naheeN hai

[ hayaat = life, dahar = world, ba_andaaza = according to,
KHummaar = intoxication ]

giriya nikaale hai teree bazm se mujh ko
haay ! ki roone pe iKHtiyaar naheeN hai

[ giriya = weeping, iKHtiyaar = control ]

hamse 'abas hai gumaan-e-ranjish-e-KHaatir
KHaak meiN ushshaaq kee GHubaar naheeN hai

[ 'abas = indifferent, gumaan = suspicion, ranjish = unpleasantness,
KHaak = ashes/dust, ushshaaq = lovers, GHubaar = clouds of dust ]

dil se uThaa lutf-e-jalva haay ma'anee
GHair-e-gul aainaa-e-bahaar naheeN hai

[ ma'anee = meanings, GHair-e-gul = blossoms ]

qatl ka mere kiya hai 'ahad to baare
waae ! akhar 'ahad ustuwaar naheeN hai

[ 'ahad = promise, baare = at last, ustuwaar = frim/determined ]

toone qasam mai_kashee kee khaaee hai 'GHalib'
teree qasam ka kuchch 'eitbaar naheeN hai !

[ mai_kashee = boozing, 'eitbaar = trust/faith ]

 



u R my HeArT & SouL!!
Reply With Quote Share on facebook
Sponsored Links