[beyond_vision]

مہک میں سارے حروف دھو کر
قلم کو بھی عجز میں ڈبو کر
ثناء رب جلیل لکھوں
طویل تر سے طویل لکھوں
جمال لکھوں،جمیل لکھوں
اسی کو اس کی دلیل لکھوں
کہاں نہیں تھا کہاں نہیں ہے
مجھے بتا وہ جہاں نہیں ہے
ازل سے ہے تو ابد رہے گا
وہ آپ اپنی سند رہے گا
وہی تو ہے لا شریک و یکتا
وہ سب کا خالق وہ سب کا آقا
وہ سب کے اندر وہ سب کے باہر
وہ سب سے اوپر وہ سب کے سر پر
رحیم و رحمان صفات اس کی
بڑی کریم ہے ذات اس کی