[life]

مجھے خود سے محبت ھے
محبت بھی کچھ ایسی
جو کسی صحرا کو بارش سے
کہ بارش جس قدر بھی ٹوٹ کر برسے
ذرا پل بھر کو پیاسی ریت کے لَب بھیگ جاتے ہیں مگر
بس اک ذرا پل بھر
مجھے خود سے محبت ھے
محبت بھی کچھ ایسی
جو پرندوں کو فضاؤں سے
گُلوں کو خوشبوؤں سے
منظروں کو لہلہاتے موسموں سے
جس میں چھونے ، جذب رکھنے اور گلے مل کے ھمیشہ
مسکرانے کے لئے
دل چاھتوں اور خواھشوں کی سب حدوں کو پار کر جائے
مجھے خود سے محبت ھے مگر
اتنی نہیں جتنی میرے سودائی کو مجھ سے
وہ اپنے رات اور دن، دھوپ چھاؤں، ساحلوں
دریا کناروں کو
فقط اک میرے نقطے میں سمیٹے
اور میری چاھتوں میں
آنکھ سے دل ، روح سے وجدان کی ھر کیفیت میں ڈوبتا
روتا ابھرتا مسکراتا
ذات اور معروض کے سارے حوالوں سے کبھی کا کٹ چکا ھے
اور مجھے اس سے محبت ھے
محبت بھی کچھ ایسی
جو کسی صحرا کو بارش سے

 

[SHAYAN]

Buht Khoob

 

[life]

thanks...