[drmaqsoodhasni]

Es tehreer kay parnay walay say maira sawal yah kah:

Jab kisi kay bachay ko bila kisi jurm-o-khata qatl kar doo gay aur es qatl ki shanwae kisi adalat kachairi main na ho gi aur thanay rapat likhwanay walay hi ko dhar liya ja’ay ga to raad-e-amal main woh kiya karay ga?!

Aap kay khayaal main ossay kiya karna chahiay?!

Kiya woh apni jan ki parwa kiay bagher sari donya ko aag laganay nahain nikal paray ga?

Olalad walay dil par aur apnay bachoun kay sar par hath rakh kar jawab dain,
os ka ya amal ghalt ho ga?!
Essay dehshat’gardi ka naam diya ja sakta hai?
Ya diya jana monasib hai?
Eak osama ya sadam ko pakarnay kay liay, chotay chotay masoum bachoun, bohroun, kam’zoroun, oratotoun ko maar diya jana darust amal hai?!

Eak building main osama ya sadam panah liay baitay hain aur yah mashqouq baat ya seraf aur seraf mokhbar ki kabar hai, bila teqeeq oon ki halaqat kay liay atraaf kay chalis pachas gharoun aur oon kay makinoun ko qatl kar diya jana jaez aqdam hai?

Eak bamb ki taqat itni hai kah woh eak building par giray to bisioun amaratoun ko naist-o-naboud kar daita hai. Tasdeeq ho janay par bhi; osama ya sadam, jo amrika bahadar kay kabhi chamay thay aur ab ghadaar, panah liay baithay hain, to os amarat par bamb girana darust ho ga?

osama ya sadam to maray jaein gay; yahi hadaf tha, laikin sou pachas bai’gonahoun aur ghaiar mota’alaq bandoun ka mara jana jaez aur darust ho ga?

Jo es ko darust kehta ya qarar daita hai,
kiya woh darust hai?

Yah sab apnay molak main nahain; dosroun kay molak par charae karkay hona, wahan kay logoun ki aazadi ko salab karna nahain ho ga?

Donya samjhti hai kah oon ka osama/sadam yaeni Mr. Jhari amrika ki kisi behtarein building main mouj maila kar raha hai.
Kiya auroun ko bhi ijazat hai kah woh amrika par amrika ki tara say wahaan kay logoun aur oon kay gharoun ko tabah-o-barbaad karay apnay asama/sadam ko maar dalay?!

Kiya amrika aur os kay awam chop rain gay aur raad-e-amal nahain dikhaein gay?
Onhaion chop rehna chahiay?!
Nahain;
bilkul nahain,
onhain hamla’awar ko aisi saza daina chahiay kah woh aaeinda nasloun ko bhi mana kar jaein kah woh amrika ki taraf maili aankh otha kar bhi na daikhain.

 

[CaReLeSs]

T4s...