[life]

dil jalon say dil jalon ka raabta acha laga,
do gharri mil bethnay ka silsila acha laga,

koi khoobi to na thee mujh mei keh chaaha jaaun,
phir najanay kyun usay chehra mera acha laga,

raat saari jagnay k baad mujh ko subha dum,
neem baaz aankhon say us ka dekhna acha laga,

baat meri aur mukhatab us ka hona ghair say,
uska yeh tarz e takkalum bhi barra acha laga,

sir meray seenay pay rakh k us nay sharmaatay huay,
sath jeenay marnay ka waada kiya acha laga,

apnay chehray pay jo dekhay us k honton k naqoosh,
muddaton k baad mujh ko aaina acha laga,

umr bhar jaagay mgar rehan us shab ki qasam,
sath un ko bhi jgaa kar jaagna acha laga....