[ShahTaJ]

apni khatir jaggey ho soye ho
apni khatir hansey ho roye ho
kis liye aaj khoye khoye ho
tum ne aansu bahut piye apney
tum bahut saal reh liye apney
ab mreey sirf merey ho kar raho
husan hi husan ho zahaanat ho
ishq hoon main to tum mohabbat ho
tum meri bas meri amaanat ho
ji liye jis qadar jiye apney
tum bahut saal reh liye apney
ab mreey sirf merey ho kar raho
rehtey ho ranj o gham ke gheron main
dukh ke aaseb ke baseron main
kaisey choRon tumhein andheron main
tum ko de doon ga sab diye apney
tum bahut saal reh liye apney
ab mreey sirf merey ho kar raho
tum azal se dukhon ke derey ho
chaahey khud ko ghamon se gherey ho
jab se peda huye ho merey ho
aaj kholeiN ge lab siye apney
tum bahut saal reh liye apney
ab mreey sirf merey ho kar raho
ab mujhey apney dard sehney do
dil ki har bat dil se kehney do
meri baNhon main khud ko behney do
muddaton zakhm khud siye apney
tum bahut saal reh liye apney
ab mreey sirf merey ho kar raho

 

---

Main bhi kitni pagal hoon na
Sang hawa k urna chahoon
Titli ban kar nagri nagri
Gulshan Gulshan phirna chahoon
Phooloon k sab rang chura kar
Chunri apni rangna chahoon
Main bhi kitni pagal hoon na