[life]

Sandesa !

uss se kehna !
kabhi milne chala aaye !
humaray paon mein jo raasta tha !
raastay mein paid they !
paidon per jitni taairon ki toliyaan !
hum se mila krti thein !
ab wo urrtay urrtay thak gaein hein !
wo ghani shakhein jo hum per saaya krti thein !
wo sab murjha gai hein !

Tum Uss Se Kehna !

Kabhi milne chala aaye !
labon per lafz hein !
lafzon mein koi dastaan qissa kahani !
jo usse aksar sunatay they !
kisse ja ker sunaein gay ?
batein gay !
k hum mehraab-e-aabru mein sitaray tanknay wale !
dar-e-lab bossa-e-rukhsaar se aksar kholnay wale !
kabhi bikhri zulfon mein hum !
mehtaab k gajray bana ker bandhne wale !
charagh or aaine k darmyaan !
kab se sar-e-sahil kharay mojon ko taktay hein !


Usse Kehna !

hum aa ker khud usse miltay !
magar maqtal badalty mosmo k khoon mein rangeen hai !
or hum !
kataar andar kataar aise bohat se mosmo k darmiyaan !
tanhaa kharay hein !
janay kab apna bulawa ho !
k hum mein aaj bhi !
ek umar ki waraftgi or wehshaton ka raqs jaari hai !
wo baazi jo bisat-e-jaan pe khaili thi !
abhi hum ne !
na jeeti hai na haari hai !


Usse Kehna Kabhi Milne Chala Aaye !

K Ab Ki Baar Shaiyad !

APNI BAARI HAI !