[(¯`•¸♥Faryal♥¸•´¯)]

Suna Hai Log Usay Aankh Bhar K Dekhtay Hain..

So Us K Sheher Me Kuch Din Theher K Dekhte Hain..

Suna Hai Rabt Hai Usko Kharab Haalon Se..

So Apnay Aap Ko Barbaad Kar K Dekhte Hain..

Suna Hai Dard Ki Gahak Hai Chashm-e-Naaz Uski..

So Hum ß Uski Gali Say Guzar K Dekhte Hain..

Suna Hai Usko ß Hai Shair-o-Shayiri Se Shagaf..

So Hum ß Muajzay Apnay Hunar K Dekhte Hain..

Suna Hai Bolay To Baaton Se Phool Jhartay Hain..

Ye Baat Hai To Chalo Baat Kar K Dekhte Hain..

Suna Hai Raat Usay Chand Takta Rehta Hai..

Sitaray Baam-e-Falak Se Utar K Dekhte Hai..

Suna Hai Din Ko Usay Titliyan Satati Hai..

Suna Hai Raat Ko Jugnoo Theher K Dekhte Hain..

Suna Hai Hashar Hain Uski Ghazal Si Aankhain..

Suna Hai Usko Hiran Dasht Bhar K Dekhte Hain..

Suna Hai Raat Say Barh Kar Hain Kaaklain Uski..

Suna Hai Shaam Ko Saaye Guzar K Dekhte Hain..

Suna Hai Uski Siah Chashmagi Qayamat Hai..

So Usko Surma Farosh AahBhar K Dekhte Hain..

Suna Hai Us K Labon Se Gulaab Jaltay Hain..

So Hum Bahaar Pay Ilzaam Dhar K Dekhte Hain..

Suna Hai Aaina Tamsal Hai Jabeen Uski..

Jo Saada Dil Hain Usay Ban Sanwar K Dekhte Hain..

Suna Hai Jab Se Hamayil Hai Uski Gardan Mein..

Mizaaj Aur Hi Laal-o-Gohar K Dekhte Hain..

Suna Hai Chashm-e-Tasawwur Se Dasht-e-Imkaan Mein..

Palang Zaviye Uski Kamar K Dekhte Hain..

Suna Hai Us K Badan Ki Taraash Aisi Hai..

K Phool Apni Qabayen Kutar K Dekhte Hain..

Wo Sar-o-Qad Hai Magar Be Gul-e-Muraad Nahi..

K Us Shajar Pay Shagoofay Samar K Dekhte Hain..

Bas Ek Nigaah Se Lut'ta Hai Qafila Dil Ka..

So Rahrwan-e-Tamanna ß Dar K Dekhte Hain..

Suna Hai Shabistan Se Mutsal Hai Behisht..

Makeen Udhar K ß Jalway Idhar K Dekhte Hai..

Rukay To Gardishain Uska Tawaaf Karti Hai..

Chalay To Usko Zamanay Theher K Dekhte Hain..

Kisay Naseeb K Be Perhan Usay Dekhay..

Kabhi Kabhi Dar-o-Deewar Ghar K Dekhte Hain..

Kahaniyan Hi Sahi Sab Mubalgay Hi Sahi..

Agar Wo Khuwaab Hai Tabeer Kar K Dekhte Hain..