[Owi]

-:||:- Mout Galiyon Mein Phir Rahi Hai Abhi -:||:-

Shamma ik taaq mein jali hai abhi
Phir bhi lagta hai kuch kami hai abhi

Bujh gai raat to kya ghum hai tujhay
Teray pehloo mein chaandni hai abhi

Tu kahaan chal diya hai ujlat mein
Do ghari beth zindagi hai abhi

In hi qadmon pay lout aana tu
Shaam rastay mein hi khari hai abhi

Meri aankhon say roshni lay lo
Kuch chiraaghon mein teergi hai abhi

Mout aa ker palat gai hai kiun
Kya ta-aqqub mein zindagi hai abhi

Chaar soo chaa gaya ghubaar-e-ishq
Rah-guzer chup hai, sochti hai abhi

Din agerchay guzer gaya hai mera
Raat aankhon mein jaagti hai abhi

Aas baaqi hai din badalnay ki
Go k haathon mein muflisi hai abhi

Itni ujlat mein faisla to na ker
Us taraf dekh khamoshi hai abhi

Shab-e-hijraan ! tu dil girifta kiun
Shaam tujh ko hi sochti hai abhi

Band ker lo kiwaar ghar k sab
Mout galiyon mein phir rahi hai abhi

Is kharaabay mein dekh raat gaye
Derd-o-ghum ki dukaan khuli hai abhi

Thak gaye khuwaab sochtay tujh ko
Umer aadhi ….. kati hai abhi.

 

---

•||•––––•||•––•Owi•––•||•––––•||•

[jinaka]

fantastic ,.....

 

[Owi]

Thankx Jinaka

 

---

•||•––––•||•––•Owi•––•||•––––•||•

[SHAYAN]

V Nice

 

[Owi]

Thank u Shayan

 

---

•||•––––•||•––•Owi•––•||•––––•||•

[~~KING~~]

very nice thanx for sharing.......

 

---

[SIGPIC][/SIGPIC]

~~KING~~

Ek ajeeb sa manzar nazar aata hai,
Har ek qatra samandar nazara aata hai,

Kahan banaaon main ghar sheeshey se,
Har kisi ke hath mein pathar nazar aata hai..

[Owi]

Thankx King

 

---

•||•––––•||•––•Owi•––•||•––––•||•