[Owi]

Baa-zarf baa-wafa thay, mager kam-nasab rahay
Itnay adab k saath bhi hum bay-adab rahay

Jhulsa hua tha jism masaaill ki dhoop mein
Phir bhi hamaaray zehan mein rukhsaar-o-lab rahay

Shaayad is hi chiraagh say roshan hai kaainaat
Zinda meray wujood mein teri talab rahay

Hum ko to roz-o-shab ka koi hosh hi na tha
Tu hi bata k hum teri aankhon mein kab rahay

Ik to hamein naseeb say khushiyaan bhi kam mileen
Phir in dino udaas bhi hum bay-sabab rahay.

 

---

•||•––––•||•––•Owi•––•||•––––•||•