[Rumisha]

Meri saanson ki khushbu sy Tujhy zanjeer hona hai..

Abhi is khawab ko sherminda-e-tameer hona hai

Ye keh kr apni mehroomi ko behlata hai dil apna

Agr wo chaand hai to phir usay taskheer hona hai

Mery lafzon ki laghzish keh rehi thi aaj mehfil mein..

K teri khamshi ko hasil-e-taqreer hona hai..!

Jabeen to khair daagh-e-bandgi sy bujh gai lakin

Dua ko Be'niaz-e-halqa-e-tabeer hona hai

Hmary ghar py girti bijliyun ko kya khabr ....

K is malbay py ik taza nagar tameer hona hai..

 

---