[!~*AdOrAbLe*~!]

DhuaaN banaake fizaa mein uDaa diyaa mujhako
main jal rahaa thaa kisii ne bujhaa diyaa mujhako

taraqqiyon kaa fasaanaa sunaa diyaa mujhako
abhii haNsaa bhii na thaa aur rulaa diyaa mujhako

main ek zarraa bulandii ko chhuune nikalaa thaa
havaa ne tham ke zamiin par giraa diyaa mujhako

safed saang kii chaadar lapeT kar mujh par
fasiil-e-shahar pe kisane sajaa diyaa mujhako

khaDaa huuN aaj bhii roTii ke chaar harf liye
savaal ye hai kitaabon ne kyaa diyaa mujahko

na jaane kaun saa jazbaa thaa jisne Khud hii "Nazeer"
merii hii zaat kaa dushman banaa diyaa mujhako ........

 

[SHAYAN]

V.Nyx...

 

[!~*AdOrAbLe*~!]

thnx sahyan

 

[life2]

nyc....

 

[!~*AdOrAbLe*~!]

thnxxx