[SHAYAN]

Kabhi Dekho Na.....

Subah Adhkhuli Palkon Ko,
Bistar Ki Anginat Salwaton Ko,
Sone Ke Kitne Hi Bahano Ko,
Tumko Talashti Un Nazaron Ko,

Kabhi Dekho Na.......

Dhule Bheege Baalon Ko,
Mehendi Se Saje Haathon Ko,
Kajal Se Bhare Un Naino Ko,
Surkh Reshan Un Honthon Ko,

Kabhi Dekho Na........

Bolti Khamoshiyon Ko,
Gunjti Sargoshiyon Ko,
Adhuri Muskurahaton Ko,
Bhar Aayi Un Aankhon Ko,

Kabhi Dekho Na........

Un Pighalti Raaton Ko,
Anginat TalluQaton Ko,
Kitni Hayazat Nazron Ko,
Un BebaaQ Afsano Ko,

Kabhi Dekho Na........

Jaane Kitne Khwabon Ko,
Dhadakti Hui Aahon Ko,
Tum Par Mitti Saanson Ko
Andekhi Munasib Manzilon Ko,

Kabhi Dekho Na...