[(¯*♥¤»ƙɧՄՏɧՅԾԾ«¤♥*¯)]

Tamam umar wohi qisa- safer kehna !
K aa saka na hamein apnay ghar ko ghar kehna

Jo din chadhay to teray wasal ki dua kerna
Jo raat ho to dua hee ko bay asar kehna

Yeh keh k doob gaya aaj aakhari sooraj
K ho sakay to issi shab ko aab sehar kehna

Mein aab sakoon say rahoon ga k aa gaya hai mujhe
Kamal-e-bayhunari ko bhi ek hunar kehna

Woh shakhs mujh say bohat bad guman rehta hai
Yeh baat uss say kaho bhi to soch ker kehna

Kabhi woh chand jo pochay k sheher kaisa hai ?
Bujhay bujhay howay lagtay hain baam-o-dar kehna

Hamaray baad azeezo , hamara afsana !
Kabhi jo yaad bhi aaey to mukhtasir kehna

Woh aik mein k mera shehar bhar ko apnay siwa
Teri wafa k taqazoon say bay khaber kehna

Woh aik tu k tera her kisi ko mairay baghair
Maeamalat -e-muhabbat main muetaber kehna

Wafa ki tarz hai Mohsin k maslihat , kia hai ?
Yeh tera dushman-e-jaan ko bhi chara ger kehna

 

---