[(¯*♥¤»ƙɧՄՏɧՅԾԾ«¤♥*¯)]

Load shedding main suhaag raat

--------------------------------------------------------------------------------

bijli darasal shehr main anjaam-e-hijr hai

yaani suhaag raat main paighaam-e-hijr hai

shaadi hui kissi key meray qareeb main

"kaali suhaag raat" likhi thi naseeb main

jis roshni main shaadi hui thi chali gayee

utha naqaab-e-husn tu bijli chali gayee

dulha abhi tha muntazir-e-manzar-e-jamal

aaya na WAPDA ko kanwaaray ka kuch khayal

donon kay darmiyaan jafakaar bun gaya

yeh WAPDA samaaj key deewar bun gaya

mishal na thi, chiragh na tha aur diya na tha

pehlay say bay-waqoof nay lighter liya na tha

jaisay keh taar coal chamakta ho dhoop main

gori dikhayee daytee thi kali kay roop main

dil bujhh raha tha kash'ma'kash-e-intizaar say

jaisay keh yeh bhi jalta ho bijli kay taar say

pankha bhi tha sakoon main "A/C" bhi band tha

gadda bhi MOLTYFOAM ka garmi pasand tha

jiddat shad-e-wisaal main goya bala ki thi

gurmi wahan bala ki nahin KArbala ki thi

ik haath doojay haath ko aata na tha nazar

dulha dulhan ko dhoondh raha tha idher udher

tareekiyoon main TAJ MAHAL dhoondhta tha woh

hijr-e-rajz main bahr-e-ramal dhoondhta tha woh

gulshan main jaisay koi gul-e-ter kay aas paas

pyasa bhatak raha tha samander kay aas paas

dulha mian tu hijr ki tanhaiyoon main thay

machar dulhan kay khaas shanasai'oon main thay

rukhsaar, naak, hoont keh woh qadrdaan thay

machar her aitebaar say puray jawan thay

mauqa jahan bhi laga kaat tay rahay

maajoon-e-husn jitni mili chat tay rahay

dulha say machcharoon ka shadeed intiqaam tha

machchar woh kar rahay thay jo dulha ka kaam tha

machchar ko iqtadaar-i-hukumat ka josh tha

aur hizb-i-ikhtalaaf ka quaid khamoosh tha

iss kashmakash mein subh ka aghaaz ho gaya

dulha ghareeb hijr ki chookhat peh soo gaya

jab aasman peh subh ki tanveer chaa gayee

sooraj hua tulloo tu bijli bhi aa gayee...

 

---

[usmaaan ali]

nyceeeeeeee

 

[(¯*♥¤»ƙɧՄՏɧՅԾԾ«¤♥*¯)]

thanksss

 

---

[`~`^3^`~`DiL`~`^3^`~`]

nice thanks sharing

 

[(¯*♥¤»ƙɧՄՏɧՅԾԾ«¤♥*¯)]

thanks

 

---

[Lucky]

hahahahahaha
lolzzzzzzzzzzzzz
hehehehehehe
wah wah kia baat he
kash aap ke sath bhi aesa hi ho lolzzzzzzzzzzzzzzzzz hahahaha
meri hansi nahi ruk rahi he suchi lolzzzzzzzzzzzzz

anywayz aaj buhat dino baad khul ke hansa hon

nice sharing dude

 

[!~*AdOrAbLe*~!]

hahhaha

 

[(¯*♥¤»ƙɧՄՏɧՅԾԾ«¤♥*¯)]

lucky bht hassi ah rahi hay app ka he wakiya tu nahi

 

---

[(¯*♥¤»ƙɧՄՏɧՅԾԾ«¤♥*¯)]

thanks addo

 

---

[Lucky]

Originally Posted by Ќĥǚŝĥβòó

lucky bht hassi ah rahi hay app ka he wakiya tu nahi

Ajji aap ke bina yea wakia kese wako pazeer ho sakta he ?