[(¯*♥¤»ƙɧՄՏɧՅԾԾ«¤♥*¯)]

Tujhe kya kahon ae zindgi tere ek pal ki khabar nahi
Main yaqeen karon b to kis tarha,teri shab ki koi sehar nahi

Meri khawaishon ka ye silsila hai kahan talak ye khabar nahi
Ye safar sadi pe muheet hai,meri umer ek pehar nahi

Jahan aagahi ke na jaal hon,wahan wehshaton ke ziker nahi
Yahan aagahi bi aazab hai,tujhe aah ye bi khabar nahi

Main shumar-e-gham karon kis tarha,mere pass aisa huner nahi
Mera aaj hai sitam aashna,mujhe kal se koi mafar nahi

Jahan do ghari ka sakoon mile,meri raah main wo shajar nahi
Main thakan se choor hon is qadar,koi saaya had-e-nazar nahi

Wo jo ashk-e-khoon se ho aashna,kahin aisa deeda-e-ter nahi
Mere dil se barh ker jala na ho yahan koi aisa jiger nahi

Teri kaj adai,sitam gari,koi ye bataye kider nahi
Tu hai bewafai ki daastan,gila tujh se koi magar nahi

Mujhe chorna hai to chor de,mujhe mout ka koi der nahi
Wo andher nagri hai ger koi,ye b rahaton ka nagar nahi

 

---