[bint-e-masroor]

الٰہی محبوب کل جہاں کو دل و جـــــــگر کا سلام پہنچے
نفس نفس کا درود پہنچے، نظر نظر کا سلام پہنچـــــــے
۔
بساط عالم کی وسعتوں سے، جہان بالا کی رفعتوں سے
ملک ملک کا درود اترے، بشر بشر کا سلام پہنچــــــــــے
،
زبـــــان فطرت ہـــــــــــے اس پہ ناطق، ببارگاہ نبی صادق
شجر شجر کا درود جائے، حجر حجر کا سلام پہنچــــــے
،
رسول رحمت کا بار احساں، تمام خلقت کے دوش پر ہـــے
تو ایسے محسن کو بستی بستی، نگر نگر کا سلام پہنچے
،
مرا قلم بھی ہے ان کا صدقہ، مرے ہنر پر ہے ان کا سایہ
حضور خواجہ ، مرے قلم کا ، مرے ہنر کا سلام پہنچے
،
یہ التجا ہے کہ روز محشر، گنہگاروں پہ بھی نظر ہو
شفیع امت کو ہم غریبوں کی چشم تر کا سلام پہنچے
،
نفیس کی بس دعا یہی ہے، فقیر کا اب صدا یہی ہے
سواد طیبہ میں رہنے والوں کو عمر بھر کا سلام پہنچے
۔
سید نفیس الحسینی