[Rania]

پرانے لوگ بہت سادہ ہوا کرتے تھے تاریخ پوچھنے کے لئے بھی مسجد کے میاں جی کے پاس جایا کرتے تھے، کلینڈر نہیں ہوتے تھے۔ بس میاں جی نے جو تاریخ کہہ دی مان لیتے۔ میاں جی کے پاس کونسا کمپیوٹر، موبائل، گھڑی یا کلینڈر تھا۔ بلکہ ایک سادہ ایجاد تھی میاں جی کی، باقاعدگی سے چاند دیکھتے اور روزانہ اپنے حجرے میں رکھے ہوئے لوٹے میں اپنی بکری کی خشک مینگنی ڈال دیتے۔ جب کوئی تاریخ پوچھنے آتا، لوٹا الٹتے مینگنیاں گن کر باہر جا کر تاریخ بتا دیتے۔

ایک مرتبہ میاں جی کی بکری حجرے میں داخل ہوئی اور اس نے براہ راست لوٹے کے اوپر ھی مینگنیاں کر دیں۔ اگلے دن کوئی تاریخ پوچھنے آیا۔ میاں جی حجرے میں گے، لوٹا الٹا تو حیران ہوگے لوٹا تو بھرا ہوا تھا مجبورا گنتی شروع کی۔ جب گنتی پوری ہوئی آدھ گھنٹے میں پسینے سے شرابور میاں جی باہر نکلے تو سائل نے کہا "جی میاں جی کیا تاریخ ہے؟"
میاں جی بولے! "بیٹا 80 تاریخ ہے۔۔۔!!"
سائل حیران ہو کے، "میاں جی! اللہ کا خوف کھائیں 80 بھی تاریخ ہوتی ہے بھلا؟"
میاں جی بولے! "برخوردار! اللہ کا خوف کھاکر ھی 80 بتارہا ہوں ورنہ لوٹے میں تو تاریخ 280 ہے

 

---