[~*Gillanii]

Mujhay Yaad Koi Duwa Nahi, Mere Hamsafar Abhi Soch Lay ..
Tu Meri Jabeen Pay Likha Nahi, Mere Hamsafar Abhi Soch Lay ..

Abhi Rasta Bhi Hay Dhool Main, Abhi Faida Bhi Hay Bhool Main ..
Abhi Mujh Ko Tujh Say Gila Nahi, Mere Hamsafar Abhi Soch Lay ..

Main Janam Janam Say Naraz Hoon Main Janam Janam Say Udaas Hoon ..
Main Kabhi Bhi Khul Kay Hansa Nahi Mere, Hamsafar Abhi Soch Lay ..

Tu Hay Khuwab Khuwab Pakarta Meri Ankh Main Nahi Ashk Bhi ..
Main Muddato'n Say Jiya Nahi, Mere Humsafar Abhi Soch Lay ..

Tujhay Khusbowo'n Ki Hay Arzoo, Tujhay Roshni Ki Hay Justajo ..
Main Hawa Nahi Diya Nahi, Mere Humsafar Abhi Soch Lay ..

Tujhay Ansowo'n Ka Pata Nahi, Tujhay Rutjago'n Ka Gumaa'n Nahi ..
Tujhay Is Say Agay Pata Nahi, Mere Humsafar Abhi Soch Lay ..

Kahi'n Choot Sakta Hay Darmiaa'n Na Zamee'n Milay Gi Na Asmaa'n ..
Tujhay Rastay Ka Pata Nahi, Mere Humsafar Abhi Soch Lay ..

Mujhay Dhoondta Hi Phiray Ga Tu, Na Jiye Ga Roz Maray Ga Tu ..
Main Kabhi Bhi Ghar Pay Mila Nahi, Mere Humsafar Abhi Soch Lay ..

Kaho Lautna Hay Kisay Yaha Mere Dard Sun Mere Meharbaa'n ..
Mere Paas Waqt Zara Nahi Mere Humsafar Abhi Soch Lay ..