[Angell]

Wo Aksar Mujh Se Kehta Tha
Tum Be Had Shor Machati Ho

Phir men us se kehti thi,
Jab pyar se mujhe bulao ge,
Tab dorr k men to aaongi,
Tab payal meri chanke gi
Payal ka shor to hoga hi

Jab meri qalaai pakro ge,
To choori meri khanke gi,
Choori ka shor to hoga hi

Jab bindya meri chamke gi,
Aankhon me tumhari damke gi,
Tab jazbe shor machain ge,
jazbon ka shor to hoga hi

Mere jhumke se jab khelo ge,
Wo gaal ko mere choome ga,
Be chain se tum ho jao ge,
Ik lehar uthe gi seene mein,
Is lehar ka shor to hoga hi

Meri zulfon ko suljhate hue,
Mere gajre ko bikhrao ge,
Tab sansein tumhari mehkein gi,
Saanson ka shor to hoga hi

Jab pas mere tum ao ge,
Ik barq si tan me dorre gi,
Man behka sa hojae ga,
Har dharkan shor machae gi,
Dharkan ka shor to hoga hi

Wo Aksr Mujh Se Kehta Tha
Tum Be Had Shor Machati Ho

 

---

~Angell~