[ShArArTi MuNdA]

Dua K Liey Haath Uthiey K Aankhien Num Ho Gaiee
Sajdey Mai Sir Jukaia K Aankhien Num Ho Gaiee!

Khuda Ne Mujy Kia Kuch Nawaza Hai
Ye Socha Hi Tha K Aankhien Num Ho Gaiee!

Rub Ne Merey Hissey Mai Jo Tera Peyaar Likha Tha
Woh Sab Lamhey Yaad Aiey To Aankhien Num Ho Gaiee!

Tu Ne Jo Kabi Kiey They Wadey Khuda K Samney
Woh Sab Yaad Aiey To Aankhien Num Ho Gaiee!

Teri Khushbu Teri Kurbat Ke Wo Hasin Lamhey
Woh Jab Jab Yaad Aiey To Aankhien Num Ho Gaiee!

Usey Meri Jis Jis Baat Pey Fakhr Hooa Kerta Tha
Woh Sab Batien Yaad Aieen To Aankhien Num Ho Gaiee!

 

[ShArArTi MuNdA]

Kia Baat Kahon Un Ankhon Ki
Jin Ankhon Pe Main Marta Hoon

Woh Ankhen Jheel Si Ankhen Hain
Jin Main Doob Ke Rooz Ubherta Hoon

Mujhe Dekhne Ke Liee Uthiti Hain
Miltey Hi Nazar Woh Jhuktin Hain

Sare Jahan Main Aesi Ankhen Nahi
Jin Ankhon Pe Main Marta Hoon

In Ankhon Main Koi Ansoo Na Aee Koi
Kabhi Koi Gham Na Pass Aae Koi

Sada Muskuratin Rahen Ye
Har Dam Ye Dua Main Karta Hoon

Kia Baat Kahon Un Ankhoon Ki
Jin Ankhon Pe Main Marta Hoon

 

[ShArArTi MuNdA]

Ankhon Ko Intzaar Ka Deke Hunar Chahla Gaya
Chaha Tha Ek Shakhs Ko Jane Kidhar Chala Gaya

Din Ki Woh Mehfilein Gayii, Raaton Ke Ratjage Gaye
Koi Samet Kar Mere Sham-O-Saher Chala Gaya,

Jhonka Hai Ek Bahaar Ka,Rang-E-Khayal -E-Yaar Bhi
Har Soo Bikhar Gayi Khushboo Jidhar Woh Chala Gaya

Uske Hi Dam Se Dil Mein Aaj,Dhoop Bhi Chandni Hai
Deke Woh Apni Yaad Ke ,Shams-O-Qamar Chala Gaya

Kucha-B-Kucha ,Dar-O-Dar ,Kab Se Bhatak Raha Hai Dil
Humko Bhula Ke Raah Woh Apni Dagar Chala Gaya

 

[ShArArTi MuNdA]

Mairi Ankhoon Mein Ansoo Ke Tarhaan Aik Raat Aa Jaoo
Takaluf Say Banawat Say Adaa Say Choot Lagti Hai

Mein Shapnam Ke Zubaan Say Pholoon Ke Awaz Sunta Hoon
Ajab Ehsaas Hai Apni Sadda Say Choot Lagti Hai

Aaj Ham Bichhre Hain To Kitane Rangiile Ho Gaye
Merii Aankhen Surkh Tere Haath Piile Ho Gaye

Kab Kii Patthar Ho Chukii Thii Muntazir Aankhen Magar
Chhuu Ke Dekhaa To, Mere Haath Giile Ho Gaye

 

[ShArArTi MuNdA]

Kuch Din To Baso Meri Aankhon Mein
Phir Khwab Agar Ho Jaao To Kya

Koi Rang To Do Mere Chehre Ko
Phir Zakhm Agar Mehkaao To Kya

Jab Hum Hi Na Mehke Phir Sahib
Tum Bad-E-Sbaa Kehlaao To Kya

Ek Aaina Tha So Toot Gyaa
Ab Khud Se Agar Sharmaao To Kya

Mein Tanhaa Tha Mein Tanhaa Hoon
Tum Aao To Kya Na Aao To Kya!

Jab Dekhne Wala Koi Nahin
Bujh Jaao To Kya Genaao To Kya

Hai Yoon Bhi Zyaan Aur Yoon Bhi Zyaan
Ji Jaao To Kya Marr Jaao To Kya

 

[ShArArTi MuNdA]

Woh Khwab Khwab Si Aankhain Theen Baadalon Ki Safeer
Dhuaan Dhuaan Si Theen Sochon Main Janay Kab Se Aseer
Thay Us K Hoonton K Taalay Bhi Zang Aalooda
Usay Youn Daikh K Lagta Tha Jaisay Ik Bacha
Gaya Tha Daikhnay Maila Kisi Ka Thaam K Haath
Na Janay Bheer Main Tanha Woh Reh Gaya Kaisay
Mujhay Woh Phool Laga Ik Gulab Ka Jis Ko
Kisi Ne Shakh Se Tora Mager Nahi Songha
Khud Apnay Pairon K Neechay Masal Masal Daala
Sawal Us Se Kia Main Ne, Yeh Batao Zara
Ho Kon, Kis Liay Is Qadar Khamosh Ho Bhala?
Batao Khaar Ugaye Hain Kis Ne Raahon Main?
Nami Khafi Se Hai Kaisi Tumhari Aankhon Main
Meri Tarah Se Kaheen Tum Bhi Tu Nahi Tanha?
Rah-E-Wafa Main Mili Tu Nahi Tumhain Bhi Dagha?
Woh Chup Raha, Nahi Bola Tu Main Ne Berh K Usay
Chuwa Tu Yeh Howa Idraak Meray Saamnay Tu
Hai Aik Aayeena Aur Us Main Aks Hai Mera

 

[ShArArTi MuNdA]

Un Jheel Si Gehri Aankhon Main
Ik Shaam Kahin Abad To Ho
Us Jheel Kinaray Pal Do Pal
Ik Khawab Ka Neela Phool Khilay
Woh Phool Baha Dain Lehron Main
Ik Roz Hum Sham Dhalay
Us Phoolk Behtay Rangon Main
Jis Waqt Larazta Chand Chalay
Uswaqt Kahin Un Aankhon Main
Us Bisray Palki Yaad To Ho
Un Jheel Si Gehri Ankhon Main
Ik Sham Kahin Abad To Ho
Phir Chahay Umer Samunder Ki
Her Moj Pareshan Ho Jaay
Phir Chahay Aankh Dareechay Say
Her Khawab Gurezan Ho Jaay
Phir Chahay Phool Say Chehray Per
Her Derd Numayan Ho Jaay
Us Jheel Kinaray Pal Do Pal
Woh Roop Nagar Eejad To Ho
Din Raat K Is Ainay Say
Woh Aks Kabhi Azad To Ho
Un Jheel Si Gehri Aankhon Main
Ik Sham Kahin Abad To Ho!!!

 

[ShArArTi MuNdA]

Teri Aankhon Main, Mere Dil Ka Nakhsa Ho Bhi Sakta Hai
Jise Deewar Samgha Hai Wuh, Wuh Rasta Ho Bhi Sakta Hai

Zamana Gour Se Daikhey, Jisey Is Ne Khuda Samjha Hai
Woh Is K Hath Ka Pather Tarasha Ho Bhi Sakta Hai

Nazur Se Door Re Ker Bhi, Kisi Soch Main Rehna
Kisi K Paas Rehney Ka Tareeqa Ho Bhi Sakta Hai

Woh Apni Sard Mehri Se, Mughey Hud Main To Rakhta Hai
Mera Hud Se Guzurney Ka Irada Ho Bhi Sakta Hai

Bhari Duniya Ka Meila Sath Ho To Koun Si Mushkil
Mager Aik Shakhs Meley Main Akela Ho Bhi Sakta Hai

Ye Seedhi Rah Per Chalna, Kahan Se Seekh Aye Ho
Ye Rasta Doosti Ka Hai, Ye Terra Ho Bhi Sakta Hai

Main Apney Jism O Jaan Ko Sath Rehtey Daikh Ker Samjha
Nibhana Ho Jisey Mushkil Woh Rishta Ho Bhi Sakta Hai

Uchalta, Thokarain Khata Howa Paani Ka Aik Dharaa
Tere Dil Tak Pohanchney Ka Bahana Ho Bhi Sakta Hai

Nikal Ker Bund Kamrey Se Zara Baazar Main Aao
Ager Tum Daikhna Chaho, Tamasha Ho Bhi Sakta Hai

 

[ShArArTi MuNdA]

Tumhari In Siyah Aankhoun Main
Meri Zindagi Ki Shama Jalti Hai
Jab Tum Kareeb Se
Meri Taraf Deakhtay Ho
To
Meri Zindagi Se Saansay Aur Barh Jati Hain
Aur Jab
Tum Musuratay Ho
To
Tumhari Is Muskurahat Se
Mera Dil Aur Zor Se Dharakta Hai
Aur Main Yeh Dua Mangti Hoon
Kaash!
KHUDA Karay
Tumhari Aankhoun Ki
Aur Hountoo Ki Muskurahat
Sada Youn Hi Qaim Rahay

 

[ShArArTi MuNdA]

Bhool Sakta Hay Bhala Kaon Yeh Pyaari Aankhain
Rang Mein Doobi Huii Neend Say Bhaari Aankhain

Mairi Her Saans Nay Her Sooch Nay Chaaha Hay Tumhain
Jab Say Daikha Hay Tumhain, Tab Sai Saraaha Hay Tumhain
Bas Gaii Hain Mairi Aankhon Main Tumhaari Aankhain

Tum Jo Nazron Ko Uthaao To Sitaray Jhuk Jaaeyn
Tum Jo Palkon Ko Jhukaao To Zamanay Ruk Jaaeyn
Kyun Na Ban Jaaeyn In Aankhon Ki Pujaari Aankhain

Jaagti Raaton Ko Sapnon Ka Khazana Mil Jaaey
Tum Jo Mil Jaao Jeenay Ka Bahaana Mil Jaaey
Apni Qismat Pay Kerain Naaz Hamaari Aankhain