[MaSOoM SaRa]

nice one thx

 

[ShArArTi MuNdA]

Thanks Sara jiii .......... keeep visiting

 

[ShArArTi MuNdA]

Ghum ki tazheek uratay huye dar lagta hai,
apni roodad sunatay huye dar lagta hai

Ab tu apnon main bhi milta nahi kuch apna pan,
Ghair ko apna batatay huye dar lagta hai

Dena par jaay na mujhko bhi kaheen iska hisaab,
paaon matti main jamatay huye dar lagta hai

jaag utthay tu jaganay ka sabab poochin gay
sonay walon ko jagatay huye dar lagta hai

jab se dekha hai Mah o mehr ko gehnaay huye
apna ghar baar sajatay huye dar lagta hai

ghar ki taqseem se hoti hai diloon ki taqseem
koi deewar uthatay huye dar lagta hai

Dhoop se bachtay hain per roshni chin jati hai
Sehen main peir(tree) lagatay huye dar lagta hai

Pehle jaisa nahi ***** woh adab kiya kahiye
Ab kisi bazm main jatay huye dar lagta hai

 

[ShArArTi MuNdA]

YEH ASHIQI

Bhari dhoop main
yeh chhat per hai kon?
barabar ki chhat ko nishana kiye
takay ja raha hai...
jali dhoop nay uske pairon ko ab tak,jalaya nahe hai
ke sooraj ne usko sataya nahi hai
suna hai ke in ashiqon ko
zamanay ke mausam, satatay nahe hain, daratay nahi hain
sada saath rehtay hain.........
Inn se kabhi apna daman churatay nahi hain........

 

[ShArArTi MuNdA]

rakhta hai mujhe thaam kar girne nahi deta
Main toot bhi jaoon to bhikharne nahi deta
iss darr sey kahin kanta na chub jaye haath mein
Wo phool bhi mujh ko pakarne nahi deta
Wo iss qadar hassas hai mohabbat me meri
k koi gham meray seenay mein palnay nahi deta
Jis raat ki tareeki se aata hai khauf,
us din ko wo raat mein dhalnay nahi deta

 

[ShArArTi MuNdA]

ratjagon ki halat main khuaab dekhnay walay
ro rahay hain ujlat main khuaab dekhnay walay

chashm e num ke khultay hi kis qadar huye masroof
roz o shub ko fursat main khuaab dekhnay walay

anginat khayalon se, khuaab se huye mehroom
maal o zar ki soorat main khuaab dekhnay walay

jaagtay hi loogon ki nafraton se mil bethay
aapki mohabbat main khuaab dekhnay walay

aur kitna sona hai faisla na kar paay
Umr ki adalat main khuaab dekhnay walay

jaag uthay tu youn jagay,so sakay na jee bhar ke
janay kis zaroorat main khuaab dekhnay walay

so sakay na jee bhar ke aik pal ko bhi *******
khuaabgah e shohrat main khuaab dekhnay walay

 

[ShArArTi MuNdA]

Roothi hui hai humsay fasl e bahaar kab say
achay dinoon ka humko hai intizar kab say

koocha ba koocha dar dar khana ba khana dekho
phirtay hain maaray maaray hum bedeyaar kab say

larzaan naheef tan per malboos ke bajay
pehnay huye hain raahi Gard o ghubaar kab say

sabza dekha ke humko phainka tamazaton main
detay rahay hain dhoka yeh apnay yaar kab say

rasta dekhao gay tum manzil milay gi tum say
hum tum pe kar rahay hain yeh aitbaar kab say

hain jin ke pait khali yeh wohi jantay hain
nanay javeen ke talib hain beqaraar kab say

dushman ko kiya khabar hai ******* he janta hai
dushman se ho gaya hai Hamid ko pyaar kab say

 

[ShArArTi MuNdA]

Jitnay ankhon say door jatay ho
tum mujhe utna yaad aatay ho

sach kaho mujhko yaad kar ke tum
ansooun ke diye jalatay ho

roz miltay ho dair say aakar
sabr kion mera aazmatay ho?

Khuaab main bhi hai cher chaar wohi
tum mujhe kis qadr satay ho

roz aik tazah aarzo ka mehel
main banata hoon tum giratay ho

subko milta nahi hai moun manga
rait se kion mehel banatay ho

din ke deewar o dar pe tum ****
shub ki tasveer kion lagatay ho

 

[ShArArTi MuNdA]

Maqtal he tha ajeeb na qatil ajeeb tha
tarpa jo baad e qatl woh bismil ajeeb tha

ab kis tarah ka hai yeh khabar he nahi mujhe
jab tujh pe agaya tha mera dil ajeeb tha

khiltay nahi thay phool jahan sirf khaar thay
Un raaston main talib e manzil ajeeb tha

hansta tha aur humko hansata tha raat din
naam e wafa ke teer ka ghayl ajeeb tha

kal saath saath chaltay dukhon ke dayaar main
jo meray saath ho gaya shamil ajeeb tha

moujon ka hai qusoor na hai nakhuda ka dosh
humko duboya jisnay woh sahil ajeeb tha

kiya naam tha yeh yaad nahi itna yaad hai
Hamid ke saath ronaq e mehfil ajeeb tha

 

[ShArArTi MuNdA]

her shakhs hai umeed ke agay jhuka hua
jholi bhari hoi hai na kaasa bhara hua

kiya waasta hai is se mera,kon hai yeh shakhs
yeh kon ja raha hai mujhe dekhta hua

hain meethay bol bolnay walay jo inke paas
hota hai aasteen main khanjar chupa hua

din kis tarah katay ga Khuda janta hai yeh
nikla hai aaftab e seher kaanpta hua

marham se theek hoga nahi ab yeh umr bhar
meray badan pe zakhm hai aisa laga hua

jalta hua dikhaai nahi de raha magar
mehsoos ho raha hai mujhe ghar jala hua

bekal raha hai rooh ka panchi tamam umer
******* badan ki qaid se kis din reha hua.