[AYAZ]

Thanks owais yar lash (y) . thanks for ur work man .

 

---

ALLAH FARMATA HAI :
AEY BANDEY JO HUA
WO ACHA HUA .
JO HORAHA HAI ACHA HO RAHA HAI.
JO HOGA WO BHI ACHA HOGA.
TERA KIYA GAIYA JO TU ROTA HAI
TU KIA LAYA JO TU NE KHO DIYA.
JO LIYA YAHIN (DUNYA) SEI LIYA
JO DIYA YAHIN (DUNYA) PE DIYA
JO AAJ TERA HAI PEHLAY KISI AUR KA THA
AUR KAL KISI AUR KA HOGA.
TABDEELI KAINAAT KA MAMOOL HAI
BAS TU WO JAMA KAR JO TU SATH LEI KAR JANEY WALA HAI
YANI NAIK AMAAL.

[life]

buhat khobsurat sharing..

-------------------------------

 

[Owi]

Thankx For Visiting Dreamooo, Afghani Laila and Rooz
Keep Visiting Guys
Thankx Ayaz For Making This Thread Sticky
And Thankx For Shairing A Beautiful Poem Life
Keep shairing

 

---

•||•––––•||•––•Owi•––•||•––––•||•

---

Last edited by Owi; 07-08-2011 at 07:25 PM..

[Owi]

-:||:- Bay-Maani -:||:-

Hai meri zaat ik ziyaan ki dukaan
Mujh ko apna hisaab kya maaloom
Jab mujhay bhi nahi koi ehsaas
Tum ko mera azaab kya maaloom

Her kisi say bicher gaya hoon main
Kon dil mein mera malaal rakhay
Sheher-e-hasti ka ajnabi hoon main
Kon aakhir mera khayaal rakhay

Raayegaani hai zindagi meri
Main to khud mein bhi raayegaan hi gaya
Bay-gumaani si bay-gumaani hai
Mujh say to khud mera gumaan bhi gaya

Koi bhi mujh ko aasra na mila
Main bhatakta raha hoon shehron mein
Zindagi tishnagi ka deriyaa hai
Hai faqat gard dil ki lehron mein

Wasl k silsilay to kya ab to
Hijr k silsilay hein bay-maani
Koi rishta hi jab kisi say nahi
Dil k saaray gilay hein bay-maani

Roz-o-shab ab yunhi guzertay hein
Koi qisaa ho jaan-o-jaanaa ka
Kerb-e-bay-maajraai sehta hoon
Kuch to ho maajra dil-o-jaan ka

Her nafas hai kisi mufr ki talaash
Mujh ko apnay hisaar mein lay lo
Mera ab khud pay ikhtiyaar nahi
Tum mujhay ikhtiyaar mein lay lo

Meray ander bhi dil k derr waa hon
Yaani meray bhi koi maani hon.

 

---

•||•––––•||•––•Owi•––•||•––––•||•

---

Last edited by Owi; 07-08-2011 at 07:26 PM..

[Owi]

-:||:- Main Bhi Bohat Ajeeb Hoon -:||:-

Haal ye hai k khuwaahish-e-pursish-e-haal bhi nahi
Us ka khayaal bhi nahi apna khayaal bhi nahi

A shajar-e-hayat-e-shoq, aisi khizaan raseedgi !
Poshish-e-berg-o-gull to kya jism pay chaal bhi nahi

Mujh mein wo shakhs ho chukka jis ka koi hisaab tha
Sood hai kya, ziyaan hai kya, is ka sawaal bhi nahi

Mast hein apnay haal mein dil zad-gaan-o-dil-baraan
Sulah-o-salaam to kaja, behus-o-jadaal bhi nahi

Tu mera hosla to dekh, daad to day k ab mujhay
Shoq-e-kamaal bhi nahi, khouf-e-zawaal bhi nahi

Khaima-gaah-e-nigaah ko loot liya gaya hai kya ?
Aaj ufaq k dosh per gard ki shaal bhi nahi

Uffhhh ye fizaa-e-ehtiyaat, taa kaheen urr na jaayein hum
Baad-e-junoob bhi nahi, baad-e-shumaal bhi nahi

Wajha-e-muaash-e-bay-dilaan, yaas hai ab mager kahaan
Us k wurood ka gumaan, farz-e-muhaal bhi nahi

Ghaarat-e-roz-o-shab to dekh, waqt ka ye ghazab to dekh
Kal to nidhaal bhi tha main, aaj nidhaal bhi nahi

Meray zamaan-o-zaat ka hai ye muaamlaa k ab
Subh-e-firaaq bhi nahi, shaam-e-wisaal bhi nahi

Pehlay hamaaray zehan mein husun ki ik misaal thi
Ab to hamaaray zehan mein koi misaal bhi nahi

Main bhi bohat ajeeb hoon itna ajeeb hoon k bas
Khud ko tabaah ker liya or malaal bhi nahi.

 

---

•||•––––•||•––•Owi•––•||•––––•||•

---

Last edited by Owi; 07-08-2011 at 07:26 PM..

[AYAZ]

thanks for adding his images warna hum ko ain ke barey mei nahi pata tha really.

 

---

ALLAH FARMATA HAI :
AEY BANDEY JO HUA
WO ACHA HUA .
JO HORAHA HAI ACHA HO RAHA HAI.
JO HOGA WO BHI ACHA HOGA.
TERA KIYA GAIYA JO TU ROTA HAI
TU KIA LAYA JO TU NE KHO DIYA.
JO LIYA YAHIN (DUNYA) SEI LIYA
JO DIYA YAHIN (DUNYA) PE DIYA
JO AAJ TERA HAI PEHLAY KISI AUR KA THA
AUR KAL KISI AUR KA HOGA.
TABDEELI KAINAAT KA MAMOOL HAI
BAS TU WO JAMA KAR JO TU SATH LEI KAR JANEY WALA HAI
YANI NAIK AMAAL.

[SALMAN]

Hazaron saal Nargis apni be-noori pe roti hai,
Badi mushkil se hota hai chaman mein didawar paida !!

Thanks for creating this useful & Inspiring Post about Mr. John Elia

Attention

(mujhe is baat par hairat aur sharm dono aati hain ki aap logon ko inka sahi naam bhi nahi pata hai aur na sahi spelling.. U have to know that the proper name has its dignity .. so please be respectful about proper names)

 

[Owi]

Thankx for Visiting This Thread Salman
And Thankx For Shairing A Beautiful Ghazal Of Jhon aliya
Keep Visiting And Shairing Too

 

---

•||•––––•||•––•Owi•––•||•––––•||•

---

Last edited by Owi; 07-08-2011 at 07:27 PM..

[SALMAN]

Originally Posted by owi

thankx for visiting this thread salman
and thankx for shairing a beautiful ghazal of jhon aliya
keep visiting and shairing too

Itna kahne ke baad bhi aap ne name sahi nahi likha
His name is
"John Elia"

(jo log sahi jaan kar bhi sahi nahi bante unko kya kahte hain??? U know it)

 

[Owi]

Originally Posted by SALMAN

Itna kahne ke baad bhi aap ne name sahi nahi likha
His name is
"John Elia"

(jo log sahi jaan kar bhi sahi nahi bante unko kya kahte hain??? U know it)

Thankx For Correction Bhai
Spelling per mujhay bhi kaafi had tak shubha tha mager choonkay main nay ye sab kaheen say copy ker k chaapa nahi balkay aap sab k liye khud likha hai or is ko likhnay mein mujh say ghalti ho gai
Jo k aap nay point-out ki, main abhi is ko sudhaar layta hoon, aap ki tanqeed-e-nazer ka bay-had shukriya
Main aap ka shukriya adaa kerna chaahoon ga k aap nay thread ko ghour say perha or us mein say meri ghalti ko point-out kiya
Main ummeed kerta hoon k aagay bhi aap isi terhan meri ghaltiyon ko chun ker meri rah-numaai karein gay
Shukriya

 

---

•||•––––•||•––•Owi•––•||•––––•||•

---

Last edited by Owi; 07-08-2011 at 07:32 PM..