[Shaam]

میری اوقات کیا!

میرے دن رات کیا

ریزہ ریزہ بدن

قطرہ قطرہ لھو

ٹکڑے ٹکڑے ضدیں

رائیگاں جستجو

لمحہ لمحہ سفر

بے ثمر آرزو!

ایک آوارگی!

سر بہ سر کو بہ کو

ایک بدنام فن!

شش جہت چار سو

میرے زیر۔ نگیں کب کوئی آسماں

کب کوئی سر زمیں

میرا ملبوس۔جاں

مہک کی آستیں

صرف شاعر ھوں میں

اور اس دور میں

زر کے معیار پر

وقت کے روبرو

شاعری کچھ نہیں

اس لیئے جان ۔ من

بھول کر عہد ۔ جاں

چھوڑ کر شھر ۔ تن

توڑ کر بے خلل

درد کی ھر رسن

مجھ سے بے ساختہ

(بے نیاز ۔ وفا)

چھین کر بے سبب

سایہء زلف و لب

مجھ سے کر کے جدا

اپنا بند ۔ قبا

تو نے اچھا کیا!

میری اوقات کیا!

میرے دن رات کیا

 

---

ایک تیرا ہجر جو بالوں میں سفیدی لایا
ایک تیرا عشق جو سینے میں جوان رہتا ہے

And Allah is All Enough For Me (Al-Quran)