[ShArArTi MuNdA]

Bachpan K Dukh Kitnay Achay Hote Thay.
.Tab Dil Nahi Khilonay Touta Kertay Thay…

Wo Khushiyan Bhi Janay Kaisi Khushiyan Theen…
Titliyan Paker Ker Uchla Kerte Thay …..

Chotay Thay To Makar O Faraib Bhi Chotay Thay…
.Dana Daal Ker Chiriyan Pakra Kertay Thay….

Apnay Jall Janay Ka Bhi Ehsas Na Tha….
Jaltay Shouloun Ki Taraf Lapka Kertay Thay…

Ab Aik Ansoo Giray Tou Ruswa Ker Deta Hai…
Bachpan Mein To Jee Bhar K Roya Kertay Thay

 

[ShArArTi MuNdA]

Kabhi jo hum nahi hon gain
kaho kisko batao gay
wo apni uljhanay sari
wo becheni main dobay pal
wo aankhon main chopay aanso
kisay pher tum dikhao gay
bohat bechain ho gay tum
bohat tanha reh jao gay
abhi bhe tum nahi samjhay
hamari ankahi batain
magar jub yaad aaen ge
bohat tumko rolaen ge
bohat chaho gay pher bhe tum
hamain na dhoondh pao gay
kabhi jo hum nahi hon gain
Kaho kisko batao gay

 

[ShArArTi MuNdA]

suno tum laut aao na
woh dekho chand nikla hai
sitary jagmagaty hain
humari muntazir aankain
duaey maangti aankain
tumhe hi sochti aankain
tumhe hi dhoondti aankain
tumhe wapas bulati hain
yeh dil jab bhi dharakta hai
tumhara naam leta hai
yeh ansu jab b behty hain
tumhary dukh mai behty hain
k barish jab bhi hoti hai
humhe hi yaad karti hai
khushi koi bhi aaey jo
tumary bin adhori hai
SUNO TUM LAUT AAO NAA…

 

[ShArArTi MuNdA]

Jab Din Guzar Rahey They ,
Hum Tum Se Keh Rahey They,
Mushkil Hai ab Bichharna,
Aur Door Tum se Rehna,

Tum Sun ke Hans Pari Thein,
Aur Hum Se Ye kaha Tha ,
Hum Tum ko Bhool Jaen,
Tum ko Na Yaad Aaein ,

Sun ker Tumhari Batein ,
Hum Chup Se Ho Gaye They,
Phir Tum Bichhar Gaye They,

Tum Se Bichhar ke Hum Bhi,
Her Lamha Gin Rahey They,
Mausam Badal Rahey They,
Aur Hum ke Jal Rahey They,
Her Sans Thi ke sakat ,
Khushbu Bhi Aur Hi Thi,
Barish ka Pehla Katra ,
Jab Bhi Gira Zameen Per,
Hum ko Lag Raha Tha,
Jungal Pighal Raha Tha,
Phir Hum Behal Gaye They,
Aur Ho Gaye They Aadi,
Dunya Ki Mehfilon Ke ,

Ab Phir Se Mil Gaye Ho ,
Aur Hum Se Keh Rahey Ho ,
MUSHKIL HAI AB BICHARNA,
AB DOOR TUM SE REHNA.

 

[ShArArTi MuNdA]

EK RAH PAR
Ek Rah Per Sari Umer Chaley
Ek Dojey Ko Na Samjh Sakey
Jeevan Ka Safer Anjaan Safer
Bay Khahish Bay Araam Safer
Jevan Ke Kissi Bhi Dukh Sukh Main
Woh Meray Saath Shareek Nahin
Hum Dono Main Ek Rishta Hai
Per Jazboon Ki Tehreek Nahin
Jari Hai, Mager Anjaan Safer
Main Sochta Hoon Aik Din Yunhi
Woh Mujh Sey Juda Ho Jayegi
Ya Pehlay Main Mar Jaonga
Ya Shaid Woh Mar Jayegi
Phir Loug Kahin Gay Inka
Yeh Rishta Kitna Sacha Tha
Per Kiss Ko Khaber, Sara Jeevan
Woh Tanha Thi?
Main Tanha Tha…….

 

[ShArArTi MuNdA]

Tumhara khat mila Jana!
Wo jis mein tum ne poocha hai,
K ab haalaat kaise hain?
Mere din raat kaise hain?
Mehrbani tumhari hai!
K tum ne is tarah mujh se,
Mere haalaat pooche hain,
Mere din raat pooche hain,
Tumhein sb kuch bta doon ga,
Mujhe itna bta do k.
Kabhi Sagar kinare pr,
Kisi Machhli ko dekha hai?
K jis ko lehrein paani ki,
Kinare tk to lati hain,
Magr phir chorr jati hain,
Mere haalaat aise hain,
Mere din raat aise hain…

 

[ShArArTi MuNdA]

Abhi Tum Ishq Mat Karna
Abhi Guriya Se Khelo Tum
Tumhari Umar Hi Kya Hai
Faqt Athran Baras Ki Ho
Abhi Masoom Bachi Ho
Nahin Maloom Abhi Tum Ko
K Jab Yeh Ishq Hota Hai
To Insaan Kitna Rota Hai
Sitaray Toot Jatay Hain
Saharay Choot Jatay Hain
Abhi Tum Nay Nahin Dekha
K Jab Sathi Bichartay Hain
Tu Kitna Dard Milta Hai
K Har Furqat K Mousam Main
Hazaron Ghum Ubhartay Hain
Hazaron Zakhm Khultay Hain
?
Suno Larki? …..
~?Meri Mano?~

Parhai Par Tawajo Do
Kitaabon Main Gulabon Ko
Kabhi Bhoolay Say Mat Rakhna
Kitabain Jab Bhi Kholo Gi
Yeh Kanton Ki Tarhan Dil Main
Chubhain Gay Khoon Bahayen Ge
Tumhain Pehron Satayen Ge
Kisi Ko Khat Nahin Likhna
Likhai Pakri Jati Hai
Bari Ruswai Hoti Hai
Kisi Ko Phone Mat Karna
Sadayen Dil Dukhati Hain
Woh Awazain Satati Hain
Meri Nazmain Nahin Parhna
Yeh Mehshar Utha Dein Gi
Tumhain Pagal Bana Dein Gi
?
Suno Larki? …..
?
~ Meri Mano?~

Apni Taqdeer Say Tum
Khul K Mat Larna
Abhi Guriya Se Khelo Tum
Abhi Tum Ishq Mat Karna

 

[ShArArTi MuNdA]

WOH KEHTI THI.

Tumhara saath mill jaiye tou her dukh bhool jaoun gi
Woh kehti thi kay her surat tumhi ko bnaoun gi

Nichawar khuwaab kar doun gi tumhare her ishare per
Kabhi peepal ki chaoun mein, Kabhi nadiya kinare per

Tumhein thandak atta kar doun gi ik barsat ki maanind
Bikharte chaand jharnon mein ujalti raat ki maanind

Mujhe tum se mohabbat hai main loagon ko btaoun gi
Woh kehti thi kay her surat tumhi ko bnoun gi

Main chahoun gi tumhein jaana umangon se ujalon tak
Khudi kay dasht se le kr naiye janmon kay saalon tak

Meri thandi si tanhaaee sulagti raat jaisi ho
Mujhe bas saath le ja, Bhalle BARAAT jaiisii ho.

 

[ShArArTi MuNdA]

main aisi mohabbat karta hoon
tum kaisi mohabbat karti ho
tum jahan peh bayth k jati ho
main waheen pe betha rehta hoon
us cheez ko choota rehta hoon
main aisi mohabbt karta hoon

tum jis se huns k milti ho
main us ko dost banata hoon
tum jis rustay par chalti ho
main us say aata jata hoon
main aisi mohabbat karta hoon
tum kaisi mohabbat karti ho

tum jin ko daykhti rehti ho
wo khuwab….sarhanay rakhta hoon
tum say milnay julnay k
kitnay hi bahanay rakhta hoon
main aisi mohabbat karta hoon
tum kaisi mohabbat karti ho

tum jahan bhi bayth k jati ho
jis cheez ko hath lagati ho
main waheen peh baytha rehta hoon
us jaga ko choota rehta hoon
main aisi mohabbat karta hoon
tum kaisi mohabbat karti ho

kuch khuwab saja kar aankhoon main
palkon say moti chunta hoon
koi lums agar choo jaa a to
main pehroon us ko sochta hoon
main…aisi mohabbat karta hoon
tum kaisi mohabbat karti ho

jin logon main tum rehti ho
tum jin say batain karti ho
tum jin say huns k milti ho
jo tum ko achay lagtay hoon
wohi mujh ko achy lagtay hain
main aisi mohabbat karta hoon
tum kaisi mohabbat karti ho

jis bagh main subh ko jati ho
jis sabzay par tum chalti ho
jo shakh tumhain choo jati hay
jo khushboo…tum ko bhati hay
wo os tumharay chehray par
jo qatra qatra girti hai
wo titli chor k phoolon ko
jo tum say milnay aati hai
jo tum ko choonay aati hay
un sab k nazuk jazbon main
meray dil ki dharkan basti hai
miri rooh bhi shamil rehti hai
tum paas raho ya door raho
nazron main samai rehti ho
main tum ko takta rehta hoon
main tum ko sochta rehta hoon
main aisi mohabbat karta hoon
tum kaisi mohabbat karti ho

her moqay par her manzar main
main sath tumharay rehta hoon
main chashm-e-tasavvur main aksar
bus tum ko dekhta rehta hoon
bus tum ko sochta rehta hoon
main aisi mohabbat karta hoon
tum kaisi mohabbat karti ho

 

[ShArArTi MuNdA]

Zindagi k mailay meim
Khawahishon k railay mein
Tum se kiya kahain jaana…?
Is qadar jhamilay mein….!!!
.
.
Waqt ki rawaani hai
Bakht ki garaani hai
Sakht bay zameeni hai
Sakht laa makaani hai
.
.
Hijr k samundar mein
Takht aur takhtay ki aik hi kahani hai
Tum ko jo sunani hai…!
.
.
Baat go zara si hai
Baat umer bhar ki hai
(Umer bhar ki baatein kab dau ghharri mein hoti hain…!!!)
Dard k samundar mein un-gint jazeeray hain
Bay-shumaar moti hain
.
.
Aankh k dareechay mein tum ne jo sajaya tha
Baat us diye ki hai
Baat us gilay ki hai
.
.
Jo lahu ki khilwat mein chor bann k aata hai
Lafz ki faseelon par toot toot jata hai
Zindagi se lambi hai
Baat rat-jagay ki hai
.
.
Raastay mein kaisay ho..?
Baat takhliye ki hai
.
.
Takhliye ki baaton mein
Guftugu izaafi hai
Piyar karnay waalon ko
Ik nigaah kaafi hai
.
.
Ho sakay tau sun jaao…..!
Aik din akailay mein…….!!!
.
.
Tum se kiya kahain jaana…….???
Is qadar jhamailay mein……!!