[ShArArTi MuNdA]

Suna hoga buhat tumney, kaheen aankhon ki rim-jhim ka
kaheen palkon ki shabnam ka
parha hoga buhat tumney, kaheen lehjey ki baarish ka
kaheen saagar k aansoo ka
magar tumney kabhi humdam
kaheen dekhey? kaheen parkhey?
kisi tehreer ke aansoo?...!
mujhey teri judaai ney, yehi me“raaj bakhshi hey
ke meiN jo lafz likhti hoon.. wuh saarey lafz rotey hein
ke meiN jo harf bunti hoon..wuh sarey bain kartey hein
merey sung is judaai mein... merey alfaaz martey hein
sabhi Tareef kartey hein ...meri tehreer ki lekin...
kabhi koi nahi sunta...merey alfaaz ki siski
falak bhi jo hilaa daaley
merey lafzon mein hein shaamil...ussi taseer ke aansoo
kabhi dekho merey humdam
meri tehreer ke aansoo...!!!

 

[ShArArTi MuNdA]

Ek chehraa sath sath rahaa jo milaa nahii
kisko talaash karta raha kuch pataa nahii

shiddat ki dhoop taiz havaon k ba-vajood
mai shakh se gira hoo, nazar se gira nahii

aakhir Ghazal ka taj-mahal bhi hai mak-bara
ham zindagi the hamko kisi ne jiyaa nahii

jiski mukha-lifat hui mash-hoor ho gaya
in pattharo se koi parinda giraa nahii

tarikiyo me aur chamakti hai dil ki dhoop
suraj tamam raat yahaa Doobta nahii

kisne jalaye bastiyaa bazaar kyo luTay
mai chaNd par gaya tha mujhe kuch pata nahii

 

[ShArArTi MuNdA]

Sabz maddham roshni mein surkh aanchal ki dhanak
sard kamre mein machalti garm saanso'n ki mehak

baazuo'n ke sakht halqe mein koi naazuk badan
silvatei'n malboos par aanchal bhi kuch dhalka hua

garmi-e-rukhsaar se dehki huee thandi hawa
narm zulfo'n se mulaayam ungaliyo'n ki chhed chhad

surkh hontho'n par sharaarat ke kisi lamhe ka aks
reshmi baaho'n mein *****i ki kabhi maddham dhanak

sharmagee'n lehjo'n mein dheere se kabhi chaahat ki baat
do dilo'n ki dhadkano'n mein goonjti thi ek sadaa

kaanpate hontho'n pe thi ALLAH se sirf ek dua
kaash ye lamhe thehar jaayein thehar jaayein zara...

 

[ShArArTi MuNdA]

Jaate Jaate Tu Agar Aankh Bhar Aati Nahi,
Mujhe Bhi Shaayad Kabhi Teri Yaad Aati Nahin.

Pata Nahin Kuchh Un Mein Hai Ya Un Ke Dil Mein Chor Hai,
Un Ke Chehre Par Meri Nazar Tik Paati Nahin.

Samajh Hee Aata Nahin Ye Rog Kya Hai Ishq Ka,
Neend Aati To Hai Lekin Neend Hee Aati Nahin.

Tu Agar Mil Ke Mujh Se Door Karti Sab Gile,
Main Bhi Pachhtaata Nahin Tu Bhi Pachhtaati Nahin.

Jab Se Kho Diya Tujh Ko Kho Diya Hai Har Yakeen,
In Labon Pe Aajkal Koi Dua Aati Nahin.

Tu Bata Main Kaise Samjhoon Tere Dil Ki Baat Ko,
Apni Khwahish Tu Zabaan Par Jab Talak Laati Nahin.

Ek Hum Hain Jo Unhein Bhool Hee Paate Nahin,
Ek Wo Hain Jinhein Hamaari Yaad Tak Aati Nahin.

Ishq Ki Daastaan Ajeeb Daastaan Hai Jo,
Samajh To Aati Hai Lekin Samajhai Jaati Nahin ...

 

[ShArArTi MuNdA]

Aansu jo beh rahey

Aansu jo beh rahey hein inhein behney do
Yeh keh rahey hein dil ki baat, kehney do

Buhat bawafa ho tum, yeh ham ko hai maloom
Tum apni wafa ki baat, apney tak hi rehney do!

Mila to kia mila tumhein chahney kay baad
Bas dukh hi seh rahein hein, hamein sehney do

Tum ney to keh dala sab haal-e-dil apna
Ab mujh ko apni daastaan bhi kehney do

Mar gaye auroon kay liye main
Tum apni khatir ham ko Zinda rehney do..

Ae dil, tu mohabbat karta kyun hai..?
jo karta hai to phir tadapta kyun hai..?

Main dhadkan hun uske dil ki,kehta tha mujhse,
phir aaj uska dil mere bina dhadakta kyun hai...??

 

[ShArArTi MuNdA]

Wafa jab maslehat ki shawl orhey
Sard raat ka roop dharey
Dil ke aangan main utarti hey
To palkon par sitaaron ki dhanak muskaaney lagti hey
Kabhi khwabon ke an-chuey heowlon sey bhi
An-dekhi si anjaani si khushboo aaney lagti hey
Kisi ke sang beetey, an-ginat lamhon ki zangeerain
Achanak zehan main jab gungunaati hain
Nafas ke taar main sannata sa yakdam cheekh uthta hey
To yun mehsoos hota hey
Hawayen aa ker sargoshi karti hain
"Mohabbat ka tumhain idraak ab to ho gaya ho ga?"
Ye jo bhi zakhm deti hey, kabhi seeney naheen deti
Mohabbat rooth jaaye to, kabhi jeeney naheen deti..

 

[ShArArTi MuNdA]

Bechain Bahut Phirna Ghabraye Hue Rehna,
Ek Aag Si Jazbon Ki Behki Hui Rehna,

Chhalkaye Hue Chalna Khusbu-E-Begani Ki,
Ek Baag Sa Tha Apna Mehakaye Hue Rehna,

Is Husn Ka Shevaa Hai, Jab Ishq Nazar Aaye,
Parde Mein Chale Jaana, Sharmaye Hue Rehna,

Ek Shaam Si Kar Rakhna Kaajal Ke Karishme Se,
Ek Chand Sa Aankhon Me Chamkaye Hue Rehna,

Aadat Hi Bana Li Hai Tumne To ******* Apni,
Jis Shaher Mein Bhi Rehna Uktaye Hue Rehna...

 

[ShArArTi MuNdA]

teri yaad mein jeetey jeetey aik zamana beet gaya
hum ko apney app se bichrey zamana beet gaya

pani ke pardey par tum ne naam wafa ka likha tha
pani ki lehroon ko taktey aik zamana beet gaya

ankhoon mein kuch khwab basa kar hum ne jeena chaha
ankhoon mein khwaboon ko sulagtey aik zamana beet gaya

jatey jatey phir milney ki aas na detey acha tha
phir milney ki aas mein jaltey jaltey aik zamana beet gaya

kon suney faryaad kissi ki kon kissi ka dard sahe
apne app se batein kartey aik zamana beet gaya!!

 

[ShArArTi MuNdA]

rooh mujh se bichar jane ko hai
Wafa-e-muhabbat rakh ho jane ko hai
Jo mere dil se jur kar meri zaat mein raha
Woh bandhan pal mein toot jane ko hai

Muhabbat phir mujh ko aazmane ko hai..
Sokoon dil barbaad ho jane ko hai
Raaste socho ke simat jane ko hai
Yeh kaisa too ne muhabbat mein faasla rakha
Apna ho ke ajnabi ho jane ko hai

Muhabbat phir mujh ko aazmane ko hai..
Qurbato ke nisha mit jane ko hai
Faasle dooriyu mein badal jane ko hai
Woh ja sakta hai meri muhabbat ko chor ke
Meri zaat to us ki muhabat mein waft ho jane ko hai

 

[ShArArTi MuNdA]

Hum Na Samjhe Thay Teri Nazron Ka Taqaza Kia Hai
Kabhi Jalwa Kabhi Parda Ye Tamasha Kia Hai

Mujh Ko Madhosh Sa Kr Rakha Hai Teri Aankhon Ne
Werna Saaqi Tere Maikhaane Main Rakha Kia Hai

Dekh Le Laila Tere Majnu Ka Kaleja Kia Hai
Khaak Main Mil K B Kehta Hai Bigra Kia Hai

Ye Suraahi Sa Badn Le Ker Maire Saamne Na Aa
Main Sharabi Hoon Sharabi Ka Bharosa Kia Hai

Apne Honton Ko Maire Honton Se Chonay Na De
Ek Do Ghoont Se Botal Ka Bigarta Kia Hai