[Rania]

اداس شامیں، اجاڑ راستے، کبھی بلائیں تو لوٹ آنا
کسی کی آنکھوں میں رتجگوں کے عذاب نظر آئیں تو لوٹ آنا

ابھی نئی وادیوں، نئے منظروں میں رہ لو مگر میری جاں
یہ سارے ایک ایک کر کے تمکو چھوڑ جائیں تو لوٹ آنا

نئے زمانوں کا قرب اوڑھے، ضعیف لمحے، نڈھال یادیں
تمھارے خوابوں کے بند کمرے میں لوٹ آئیں تو لوٹ آنا

اگر اندھیروں میں چھوڑ کر تمکو بھول جائیں تمھارے ساتھی
اور اپنی خاطر ہی اپنے دئیے جلائیں تو لوٹ آنا

میری وہ باتیں جن پہ بے اختیار ہنستا تھا کھلکھلا کر
بچھڑنے والے میری وہ باتیں کبھی رلائیں تو لوٹ آنا
( فرحت عباس شاہ)

 

---

[SHAYAN]

Buht Khoob