[Aftab Afi]

اب بَھلا چھوڑ کے گھر کیا کرتے
شام کے وقت سفر کیا کرتے
تیری مصروفیتیں جانتے ہیں
اپنے آنے کی خبر کیا کرتے
جب سِتارے ہی نہیں مِل پائے
لے کے ہم شمس و قمر کیا کرتے
وہ مُسافر ہی کُھلی دُھوپ کا تھا
سائے پھیلا کے شجر کیا کرتے
خاک ہی اوّل و آخر ٹھہری !
کر کے ذرّے کو گُہر کیا کرتے
رائے پہلے سے بنا لی تُو نے
دل میں اب ہم تِرے گھر کیا کرتے
عشق نے سارے سلیقے بخشے
حُسن سے کسبِ ہُنر کیا کرتے
پروین شاکر
.................
ab bhala chhoaR ke ghar kya kerte
shaam ke waqt safar kya kerte
teri masroofiyateNjaante haiN
apne aane kii khabar kya kerte
jab sitaare hi nahiN mil paa'ay
le ke hum shams-o-qamar kya kerte
woh musafir hi khuli dhoop ka tha
saa'ay phelaa ke shajar kya kerte
khaak hi auwal-o-aakhir Thehri
kerke zarre ko guhar kya kerte
raa'ay pehle se banali too ne
dil meN ab hum tire ghar kya kerte
ishq ne saare saleeqe bakhshay
husn se kasb-e-hunar kya kerte
Perveen