[HaaNiya]

BABA MUJHKO DARR LAGTA HAI


Baba !! meri Miss kehti hein
kal say sab bacho ko apnay
ghar parhna hai , ghar rehna hai !!

mai nay suna hai!!

aik barhey say ,
Kaali moocho'n walay "uncle"
BOMB baandh ker aien gay
sabh bachey mer jaein gay!!!

Bhool gayeee mein naam bhala tha !!
shayad "DEHSAT-Gard " Kaha tha !!

Baba ! Kioo marein gay hum ko ?
Hum say koi bhool hui kia ?
Hum say kia naraz hein Uncle ?

baba !! unko Guriya day dun ??
Ya phir mairi rangu wali
yaad hai na woh neeli Dibya
mairi pichli saalgirah per
aap nay mujhko laa ker di thi !!

Or meri woh piyaari poni !!
red Color ki , Titli wali !!
Who bhi day doon ??

Phir tou nahi marein gay mujhko ?

Yaad hai baba aik dafa jab
mujhko haath pay chot lagi thi
Bohat zayada dard hua tha
Thora Khoo'n bhi nikla tha !!
Bohat zayada roii thi mein .

Kya Yeh BOMB barha hota hai ?
Bohat zayada chot lagay gi ?
Dard bhi shayad zayada ho ga !!

"baba mujhko darr Lagta hai !!!

 

---

There are many things in life that will catch your eye but only a few will catch your heart.!!