[Owi]

Ridaa-e-shab na main taaron ki payshaani say nikloon ga
Main sooraj hoon khud apnay aks-e-nooraani say nikloon ga

Saraapa derd hoon jab bhi zara sa gud-gudaao gay
Main in palkon talay thehray huway paani say nikloon ga

Pas-e-sheesha bhi main hi tha sir-e-sheesha bhi main hi hoon
Na-jaanay kab is aainay ki hayraani say nikloon ga

Yahaan ki aik ik shay mein mera imkaan hai, laykin
Main khud nikla to phir is ghar ki weeraani say nikloon ga

Na-jaanay kab meri sehra noordi gull khilaaye gi
Na-jaanay kab main dasht-e-dil ki weeraani say nikloon ga.

 

---

•||•––––•||•––•Owi•––•||•––––•||•