[FurQan]

Dhoop Ho Chaon Ho Tum Sath Nibhaya Karna,
Mere Chehre Pe Sada Palko Ka Saya Karna,

Raah Dekhon Gi Tumhari Main Sar-e-Sham Yonhi,
Kabhi Jaldi Kabhi Dair Se Aya Karna,

Daant Lena Sir-e-Mehfil Koi Bat Nahi,
Phir Akele Mein Galay Laga Ker Manaya Karna,

Jan Jaon Gi Main Khushbo Se Tumhari Tum Ko,
Tum Peeche Se Meri Ankhon Ko Chupaya Karna,

Jagna Chaho Tu Rat Bhar Baaten Karna,
Neend Aa Jaye Tu Seene Per Sulaya Karna.

 

---