[Ali jee]

Muhabat Main
Agarche Dil Ki Aankhen
Palken Japkana Bhool Jati Hen
Magar Un Ratjagon K Surakh Dore,
Neelgoon Aahaten
Aor Abaroun Ki Razdari B
Ajab Ik Husan Paida Karti He
Muhabat Main
Agarche Dharkanen Apna Chalan Tak Chhor Jati Hen
Magar Sangeet Aisi Dharkanon Ki Thap Aor Sargam Ko Tarsta He
Muhabat Main
Agarche Be Kali
Dil Ko Bohat Tarpae Rakhti He
Magar Dil Ki Tarap Hee Zindgi Ko Patharon Ki Zindgi Se Mukhtalif Karti He
Duniya Main
Muhabat Main
Agarche Aankh Se Aojhal Hui Lagti He Duniya Ik Muhabat K Siwa
Lekin Baseerat Ki Kaeen Binaiyan Aor Khnirkiyan Khulti Chali Jati Hen
Batan Main
Muhabat Main
Agarche Aansooun Ko Surakh Hote Pal Nahi Lagta
Magar Ye Surakhiyan Kitne Gulistan,Chand, Tare Aor Zameen-o-Aasaman
Rangeen Karti Hen
Muhabat Main
Judai Dhoop K Aangan Main Palti He Agarche
Phir B Sari Umar Khawabon Aor Duaon Se Kabhi Thandak
Nahi Jati
Mujhe Maloom He Tum To Muhabat Ki Mukhalif Ho
Magar Janaan!
Daleelen To Daleelen Hen
Muhabat In Daleelon Ki Kahan Mukhtaj Hoti He
Muhabat Khubsoorat He

 

---

---

Last edited by Ali jee; 11-29-2008 at 12:24 PM..