[!~*AdOrAbLe*~!]

خوشحال سے تم بھي لگتے ہو ، يوں افسردہ تو ہم بھي نہيں
پر جاننے والے جانتے ہيں ، خوش ہم بھي نہيں خوش تم بھي نہيں

تم اپني خودي کے پہرے ميں ، اور دم غرور ميں جکڑے ہوئے
ہم اپنے زعم کے نرغے ميں ، انا ہاتھ ہمارے پکڑے ہوئے

اک مدت سے غلطاں پيچاں، تم ربط و گريز کے دھاروں ميں
ہم اپنے آپ سے الجھے ہوئے ، پچھتاوے کے انگاروں ميں

محصور تلاطم آج بھي ہو ، گو تم نے کنارے ڈھونڈ ليے
طوفان سے سنبھلے ہم بھي نہيں ، کہنے کو سہارے ڈھونڈ ليے

خاموش سے تم ہم مہر با - لب ، جگ بيت گئے تک بات کيے
سنو کھيل اَدُھورا چھوڑتے ہيں ، بنا چل چلے بنا مات کيے

جو بھاگتے بھاگتے تھک جائيں ، وہ سائے رک بھي سکتے ہيں
چلو توڑو قسم اقرار کريں ، ہم دونوں جھک بھي سکتے ہيں