[Nida-H]

Mere Bagair Bhi Tum Jeena Hansi Khushi Say,
Parta Hi Farq Kya Hai Ek Shakhs Ki Kami Say,

Barbadiyon Mein Apni Bas Dosh Hai Hamara,
Tohmat Nahi Kisi Par, Shikwa Nahi Kisi Say,

Hai Saans Ab To Bhari, Jeena Bhi Ek Khwaari,
Yaa Rab Mujhe Utha Le, Hoon Tang Zindagi Say,

Yeh Aayine Mein Jaane Hai Kaun Ab Dikhata,
Kyon Guftugu Karti Hoon Main Ek Ajnabi Say,

Deewangi Ki Mujh Par Tohmat Hai Jo Ghalat Hai,
Ruswa Hui Hoon Main To Apni Junoo-Gari Say,

Shagufta Baat Meri Pallo Mein Baand Lena,
Umeed Mat Lagana Ab Tum Kabhi Kisi Say..

 

---

[SIGPIC][/SIGPIC]