[ShArArTi MuNdA]

Tumhi ne to mujh ko shanaasa kiya tha
Mohabbat se,khushbu se aur roshni se
Tumhi ne mohabbat sikhaai thi mujh ko
Raah-e-talab bhi dikhaai thi mujh ko
Mera haath thaama
Mujhe saath le k
Uss an-dekhi manzil ki jaanib chalay thay
Jo kuch bhi na thi
Tha bas ik saraab
Ya tha mera khwaab
Aur ab jab tumhari mohabbat ki shiddat
Talab ban k nas nas mein behne lagi hai
Mehek ban k saansoN mein rehne lagi hai
Har ik pal jo mujh se ye kehne lagi hai
Tumhari ho jaaun...
To tum hi ho jo mujh se daaman cHuRa kar
Tumhi apni nazroN ko mujh se chura kar
Talab k andhere safar pe chala kar
Kahin kho gaye ho...
Mere paas ho kar
Mere saath ho kar bhi
Jaane kahan par tum gum ho gaye ho
Na-jaane door itna kyun tum ho gaye ho
K ab tum se mil kar yehi sochti hun
K main kis tarha tum mein khojooN
Tumhi ko...???