[~*Gillanii]

Gungunatay Howay Aanchal Ki Hawa Day Mujh Ko,
Ungliyaan pher Kay Baalon Main Sulla Day Mujh Ko

Jis Tarha Faaltu Guldaan Paray Rehtay Hain,
Apne Ghar Kay Kisi Konay Say Laga Day Mujh Ko

Yaad Kar Kay Mujhay Takleef Hi Hoti Hogii,
Aik KiSsa HoOn Purana Sa Bhulla Day Mujh Ko

Doobtay Doobtay Awaaz Teri Sun JaaoO'n,
Akhri Baar Tu Sahil Say Sadaa Day Mujh Ko

Main Tere Hijr Main Chup Chaap Na Marr JaoO'n Kahin,
Main Hoon Saktay Main Kabhii Aa Ke Rulla Day Mujh Ko

Dekh Main Hogaya Badnaam KitaboO'n Ki Tarah,
Merii TaSheer Na Kar Ab Tu Jalla Day Mujh Ko

Roothna Tera Meri Jaan Liye Jata Hai,
Aisay Naraaz Na Ho Hans Kay Dikha Day Mujh Ko

Aur Kuch Bhi Nahi Manga Mere Malik Tujh Se,
Us Ki GaliyoO'n Main Parii Khaaq Banaa Day Mujh Ko

Log Kehtay Hain Kay Yeh Ishq Niggal Jata Hai,
Main Bhi Is Ishq Main Aya Hoon, Dua Day Mujh Ko

BuS Yahi Okaat Hai Meri Tere Jeevan Mein Kay Main,
Koi Kamzoor Sa Lamha Hoon, Bhulla Day Mujh ko!!