[dur-e-shahwar]

Chupa lo mujhe, bahut Chal liya
Tumhare bin yeh Safar kiya..par Jeevan nahi Jiya.

Ek baar Dil se laga lo, Gila-Shiqwa khatam ho jayega.
Yeh woh Armaan hai jo, aakhiri Saans ko kheecta chala jayega.

Tumhara hee Hissa hoon, koi Parayaa to nahi
Thak gayee huN aur Rastaa lambaa hai abhi.

Goad mei kuch dher Ssoney do, Neend aatee nahi abh
Aanchal mei Chupa lo, kho jayen yeh Zakham sab.

Bahut Baaten karnee hai, kabhi Mauka hi nahi mila,
Ma kyon tumsey kabhi iss Dil ka Taar nahi Juda?

Ehsaas dilao ki mai Zinda hoon,
Acchee, Pyari bas Tumharee hoon.
Ma kabhi Aana zaroor tumhare bina bahut Akeli hoon.

 

---

Uploaded with ImageShack.us