[Dast-e-Tanhai]

Jissay Bhi Chahatay Hain Hum, Woh He Milta Nahin Hum Ko


Jissay Bhi Chahatay Hain Hum, Woh He Milta Nahin Hum Ko
Bechar Jata Hai Kab Hum Say Pata Chalta Nahin Hum Ko

Dowa Jo Mout Ki Mangain Tu Saansain Aur Barhti Hain
Na Jaanay Kion Khuda Tala Bhi Ab Sunta Nahin Hum Ko

Ajab Tark-E-Ta'aluk Duniya Waloon Nay Kia Hum Say
Batayein Kia Koi Dushman Bhi Ab Kehta Nahin Hum Ko

Hazaroon Log Miltay Hain Hazaroon Saath Chaltay Hain
Magar Us Aik Chehray Sa Koi Lagta Nahin Hum Ko

Kharay Hain Raastay Main Hum Uthaaye Dastan-E-Gham
Guzar Jaatay Hain Sab Koi Parhta Nahin Hum Ko

Jissay Bhi Chahatay Hain Hum, Woh He Milta Nahin Hum Ko
Bechar Jata Hai Kab Hum Say, Pata Chalta Nahin Hum Ko

 

---