[!«╬Ĵamil Malik╬«!]

kabhi kabhi mere dil mein khayal aataa hai


Ke zindagi teri zulfoon kee naram chaaon mein

Guzarane paati tu shadaab ho bhee saktee thee

Yeh teergi ju meri zeest kaa muqadar hai

Teri nazar kee shuaaon mein khoo bhee saktee thee


Ajab na thaa ke mein begaana-e-alam ho kar

Tere jamaal kee raanaaiyoon mein kho rehta

Tera gudaaz badan teri neem-baar aankhein

Inhein haseen fasaano mein mahoo rehta


Pukaartee mujhe jab talkhiyaan zamaane kee

Tere laboon se halaawat ke ghoont pee leta

Hayaat cheekhti phirtii barhana-sar, aur mein

Ghaneri zulfoon kee saaye mein chhup ke jee leta


Magar yeh ho na sakaa aur ab yeh aalam hai

Ke tu nahin, tera gumm, teri justaju bhee nahin

Guzar rahi hai kuch is tarha zindagi jaise

Isse kisee ke sahare kee arzoo bhee nahin


Na koee jaadaa na manzil na roshni ka suraag

Bhatak rahee hai khalaaon mein zindagi meri

Inheen khalaaon mein reh jaaon ga kabhi kho kar

Mein jaanta hoon meri ham nafas magar yuun hee


Kabhi kabhi mere dil mein khayaal aataa hai!