[Flower~]

یہ عجیب فصلِ فراق ہے۔۔۔۔۔۔۔


!یہ عجیب فصلِ فراق ہے۔۔۔۔۔۔۔
کہ نہ لب پہ حرفِ طلب کوئی
نہ اداسیوں کا سبب کوئی
!نہ ہجومِ درد کے شوق میں۔۔
نہ کوئی زخم ہرا ہوا
نہ گماں بدست عدو ہوئے
نہ ملامتِ صفِ دوستاں
نہ یہ دل کسی سے خفا ہوا
کوئی تار اپنے لباس کا
نہ ہوا نے ہم سے طلب کیا
سرِ رہگزار وفا بڑھی
نہ دیا جلانے کی آرزو
پئے چارہ غمِ دوجہاں
نہ کوئی مسیح نہ چارہ گر
نہ کسی خیال کی جستجو
نہ خلش کسی کے وصال کی
نہ رہِ تھکن مہ و سال کی
!نہ دماغِ رنجِ رُخِ بُتاں۔۔۔
!!نہ تلاشِ لشکرِناصحاں۔۔۔۔
وہی ایک حال ہے ضبط کا
وہی ایک چال ہے دہر کی
وہی ایک رنگ ہے شوق کا
وہی ایک رسم ہے شہر کی
نہ نظر میں خوف ہے رات کا
نہ فضا میں دن کاہراس ہے
پئے عرضِ حالِ سخن وراں
وہی ہم سخن ہے رفیقِ جاں
وہی ہم سخن جسے دل کہیں
!!!وہ تو یوں بھی کب کا اُداس ہے۔۔۔

محسن نقوی

 

---

~“She said, Never forget me
as if the coast
could forget the ocean
or the lung
could forget the breath
or the earth
could forget the sun,”~

---

Last edited by Flower~; 05-17-2014 at 12:42 AM..