[pakeeza]

Kabhi Yaad Aaoo To Is Tarah
K Lahoo Ki Saree Tamaazatain
Tumhain Dhoop Dhoop SamaiT Lain
Tumhain Rung Rung Nikhaar Dain
Tumhain Harf Harf Mein Soch Lain
Tumhain Dekhney Ka Jo Shouq Ho
To Diyaar-e-Hijar Ki Teergee
Koh e Mijah Ki Nook Se Nauch Lain

Kabhi Yaad Aaoo To Is Tarah
K Dil-o-Nazar Main Utar Sakoo
Kabhi Hud Se Habs-e-Junoon Badhey
To Havaas Ban K Bikhar Sakoo
Kabhi Khul Sakoo Shab-e-Vasal Main
Kabhi Khoon-e-Dil Main Sanwar Sakoo
Sar-e-Rehguzar Jo Milo______ Kabhi
Na Thehar Sakoo_____ Na Guzar Sakoo

Mera Dard Phir Se Ghazal Baney
Kabhi Gungunaoo____ To Is Tarah
Meray Zakhm Phir Se Gulaab Hoon
Kabhi Muskuraoo_____ To Is Tarah
Meri Dhadkanein Bhi Laraz Uthain
Kabhi Chaut Khaoo____ To Is Tarah


Jo Nahi To Phir Barey Shouq Se
Sabhi Raabtey Sabhi Zaabtey
Kahin Dhoop Chaoon Main Thod Do
Na Shikast-e-Dil Ka Sitam Saho
Na Suno Kisi Ka Azaab-e-Jaan
Yunhi Khush Phiro, Yunhi Khush Raho

 

---

Be Positive... Everything Gonna be Alright

---

Last edited by pakeeza; 04-09-2014 at 09:33 AM..